Senior Management CAC Hasoru Malu ho Delegasaun UNODC Southeast Asia and the Pacific nian

Senior Management Comissão Anti-Corrupção (CAC) kompostu husi Komisariu Sergio Hornai, Komisariu Adjuntu nain tolu; Alexandre Freitas, Augusto Castro akompanha husi Diretor Prevensaun no Sensbilizasaun Rosario Araujo no Chefe Unidade Kooperasaun João do Rosario Kuarta-feira (1/6) ne’e halao sorumutu kortezia ida ho delegasaun husi Eskritóriu Nações Unidas kona-ba Drogas no Krimi (UNODC) Southeast Asia and the Pacific nian.

Objetivu husi sorumutu ida ne’e koalia kona-ba ekipa UNODC mai halao assesmentu ida atu decide presija iha duni ka lae eskritoriu UNODC nian ida ho ninian staff tur iha Dili Timor-Leste atu tulun akonsela autoridade Timorense nian kona-ba dezafius krimi transfronteiriku sira – cross-border crime challenges.

Iha opportunidade sorumutu ne’e, Senior Management CAC esplika ba delegasaun UNODC servisu CAC nian iha tinan hirak nia laran iha luta kolektivu ba prevene no kombate korrupsaun hamutuk ho povu, instituisaun publiku no privadus, ONG no parseirus sira iha Timor-Leste.

Esplika mos ba delegasaun UNODC sira kona-ba Timor-Leste ninian lejislasaun foun Lei Nu. 7/2020- Medidas Prevensaun no Kombate Korrupsaun (MPCC) hodi halao misaun prevensaun korrupsaun ho sistematik, komprehensivu no efektivu hamutuk ho instituisaun Estadu sira seluk; Ministeriu Publiku, Tribunal, Inspector Geral do Estadu (IGE), Polisia Nasional Timor-Leste (PNTL), Polisia Sientifika Investigasaun Kriminal (PCIC), Unidade Informasaun Finanseira (UIF) iha Banku Sentral no parseirus sira seluk.

Senior Management CAC husu ba UNODC atu loke ninian eskritoriu ida iha Dili atu kontinua akompanha no tulun CAC nudar orgaun polisia espesializada, orgaun polisial no instituisaun judisiariu sira ne’ebé UNODC halo ona durante tinan barak nian laran mai TL atu responde ba krimi organizadu sira liu-liu krimi ekstra-ordinaria ida ne’e instituisaun CAC servisu ba iha luta sagradu kontra konrrupsaun ho lejislasaun foun MPCC.

Ekipa UNODC lidera husi Anti-Corruption Adviser – Southeast Asia and the Pacific nian Ms. Annika Wythes akompanha ho Ms. Magumi Harra, husi UN Office on Drugs and Crime’s (UNODC) ba Regional Office for Southeast Asia and the Pacific tur iha Bangkok Thailandia no Mr. Ricardo official UN Resident nian iha Dili. (*)

Permanent link to this article: http://cac.tl/2022/06/senior-management-cac-hasoru-malu-ho-delegasaun-unodc-southeast-asia-and-the-pacific-nian/