Uniaun Europeia (UE) no Embaxada Portugal Entrega Ofisialmente Bibliografia Juridika ba Instituisaun Juridika Timor-Leste

Dili- Embaixador Uniaun Europeia (UE) Dr. Andrew Jacobs, Embaixadór Portugal Dr. José Pedro Machado hamutuk ho Projetu Apóiu Konsolidasaun Estadu Direitu (PACED) iha País Afrikano Lingua Ofisiál Portugés (PALOP) ofisialmente entrega Bibilioteka Jurídika  iha Lian Portugueza mai instituisaun Juridika Timor-Leste nian inklui Comição Anti-Corrupção (CAC) iha Centro Cultural Português, Dili.

Serimonia entrega Bibilioteka Jurídika halao iha Embaxada Portugal nian ho objetivu atu reforsa kapasidade institusionál ba autoridade kompetente iha nível Legislativu, Ezekutivu no Judisiariu.

Komisariu Comição Anti-Corrupção (CAC) Sergio Hornai partisipa mos iha serimonia importante ne’e nu’udar entidade benefisiariu ba projetu ne’e.  CAC nudar instituisaun polisia spesializada halo parte mos no simu ofisialmente bibliografia juridika hamutuk 22 kompostu husi livru ho títlu Comentario Código Processo Penal, Comentario Código Penal a Luz da Constituição da Republica, Comentario Judiciario do Codigo Penal – Tomo 2, Comentario Codigo Civil- Parte Geral, Comentario Código Civil – Direito Obrigações, Código Processo Civil – Direito Obrigações, Código Processo Civíl Anotado – Vol 1o, Código Processo Civíl Anotado – Vol 2o, Dicionario Juridico – Vol I, Dicionario Juridico – Vol II, no Comentario da Carta Africana dos Direitos Humanos e dos Povos.

Instituisaun Juridika ne’ebé sei uza Bibilioteka Juridika ne’e mak Tribunál Rekursu (TR), Prokurador Jerál Repúblika (PGR),  Centro Formação Juridica e Judiciaria (CFJJ) Caicoli, Ministerio da Justiça (MJ) no Unidade de Informação Financeira (UIF). (*)

Permanent link to this article: http://cac.tl/2022/04/uniaun-europeia-ue-no-embaxada-portugal-entrega-ofisialmente-bibliografia-juridika-ba-instituisaun-juridika-timor-leste/