Ekipa Juri Rekrutamentu Hala’o Sorumutu Molok Hahú Servisu Selesaun Dokumentus

Farol – Prezidenti Ekipa Juri Luis Ersio Ximenes Guterres ba rekrutamentu Espesialista Anti-Korrupsaun (EAK) foun tinan 2021 nian Kuarta-feira (22/9) ohin hala’o sorumutu Dahuluk ho ekipa juri husi Ministériu no Instituisaun seluk; Comissão Função Pública (CFP), Policia Cientifica Investigação Criminal (PCIC), Electicidade de Timor-Leste (EDTL), Ministerio Obras Publica (OP), Ministeriu Finansas no Diresaun Nasional Informasaun Teknolojia (MTCI) iha Salaun CAC Farol Dili hodi koalia konaba lalaok rekrutamentu vagas hamutuk 25 ne’ebé Komisaun loke ho modelu Konkursu Públiku.

Prezidente Ekipa Juri Luis Ersio esplika ba membrus juri CAC no husi ministériu hitu (7) nian katak prosesu atraza tamba pandemia globál COVID-19 ne’ebé obriga Estadu aplika Estadu Emerjénsia, konfinamentu obrigatoriu no domisiliariu impede servisu tékniku sira halo entering data base Komisaun nian Data Base tuir tempu determinadu.

Maske nune’e Prezidente ekipa juri garante katak prosesu entering data ba rekrutamentu ida ne’e sei asegura nafatin transparánsia, akuntabilidade no kredibilidade to’o remata.

Sorumutu durnte oras rua ne’ebé Komisariu Adjunto CAC ba Asuntu Prevensaun no Sensibilizasaun no Servisu Apoiu Kooperasaun mos partisipa ne’e, prezidenti ekipa juri Luis Ersio esplika prosesu selesaun dokumentus ne’ebé sei hahu iha loron hat (4) fulan Outobru 2021.

CFP no Senior Management CAC sei atribui kompetensia tomak ba ekipa juri hodi halao sira ninian knar ho imparsial, independente, fair sem hetan influensia husi kualker pessoal.  Ekipa juri ninian desijaun iha prosesu rekrutamentu ba vagas 10 ho kandidatus hamutuk nain 25 ne’e sei absoluta. (*)

Permanent link to this article: http://cac.tl/2022/04/ekipa-juri-rekrutamentu-halao-sorumutu-molok-hahu-servisu-selesaun-dokumentus/