Featured Stories

Senior Management CAC Halo Audiensia Kortezia ba Prezidenti TR Deskuti Implementasaun Lei MPCC no PECAC 2021-2025

by

Dili – Senior Management Commissão Anti Corrupçao (CAC) kompostu husi Komisariu Dr. Sergio Hornai, Komisariu Adjuntu nain tolu Dr. Augosto Castro, Dr. Luis Sampaio no Dr. Alexandre Freitas akompanha husi Asesora Komisaun nian Dra. Mariman Oliveira Segunda-feira (5/10) ohin dader halo audiensia kortezia ida ba iha Meritismo Juiz Prezidenti Tribunal Rekursu Dr. Deolindo dos Santos iha Edifisiu Tribunal Rekursu Caicoli Dili.


Objetivu husi audiensia kortezia Senior Management CAC nian ne’e atu husu ba Nai Prezidenti Tribunal Rekursu Dr. Deolindo dos Santos halo esplanasaun ruma kona-ba Planu Esratejiku Commissão Anti Corrupçao (PECAC) tinan 2021-2025.


Iha oportunidade ida ne’e Komisariu Sergio mos husu disponibilidade Prezidenti TR nian atu hametin linha koordenasun servisu mutual entre instituisaun Estadu rua ne’e iha luta kolektiva kontra korrupsaun liu-liu kona-ba ejijensia diploma foun Nu. 7/2020 26 Agosto Medidas Prevensaun no Kombate Korrupsaun (MPCC) parte Deklarasaun Rendimentus, Bens no Intereses.


Komisariu CAC Sergio Hornai iha audiensia kortezia ne’e hatoo agradesementu ba Meritismu Juiz prezidenti TR Dr. Deolindo dos Santos ninian prontidaun atu servisu hamutuk ho Senior Management CAC kona-ba formatu no maneira Deklarasaun Rikusoi nian ne’ebé Tribunal Rekursu iha esperiensia durante ne’e hodi simu deklarasaun husi titular sira nian.


“Lori Komisaun nian naran hakarak hatoo ami ninian obrigado wain no agradesementu ba Sua Ekselensia Prezidenti Tribunal Rekursu hodi simu ona ami dader ne’e ho objetivu principal, husu ba Sua Ekselensia atu bele halo esplanasaun ruma kona-ba PECAC no deklarasaun rikusoi nian,” Katak Komisariu CAC Sergio Hornai.


Esplanasaun ne’e katak Komisariu Sergio, Nai Prezidenti TR Dr. Deolindo dos Santos atu hatoo iha diskusaun no avaliasaun Komisaun nian ne’ebé sei realiza iha loron 27, 28, 29 no 30 fulan Outobro ne’e iha Salaun João Paulo II Madre Salesiana nian Comoro Dili.
Oras ne’e dadaun katak Komisriu Sergio Hornai halao hela ejersisiu intensive kona-ba formatu no Standard Operating Procedure (SOP) atu implementa Lei Nu. 7/2020 26 Augosto foun MPCC. Maibe, molok implementa diploma foun ne’e, Komisaun halao hela ejersisiu atu rona opiniaun no input husi peritus nasional no internasional.


Ho audiensia kortezia ida nee, tekniku professional instituisaun rua ne’e espera tulun malu no servisu hamutuk hodi bele hetan formatu ida diak iha implementasaun diploma foun MPCC iha parte artigus Deklarasaun Rikusoi nian.

Senior Management CAC mos informa ba Nai Prezidenti TR Meritisimu Juiz Dr. Deolindo dos Santos katak oras ne’e Komisaun prepara tiha ona formatu deklarasaun rikusoi nian. (*)

Previous postVAGA SERVISU - Pós Títulu :Konsultór/Assesor ba Elaborasaun Planu Estratéjia Comisasão Anti- Corrupção (PECAC) periudu 2021-2025 Next postFulan Janeiro - Setembro 2020 CAC Investiga 44 Kazu Korrupsaun

Popular

Senior Management CAC Halo Audiensia Kortezia ba Prezidenti TR Deskuti Implementasaun Lei MPCC no PECAC 2021-2025