Featured Stories

Rekrutamentu SWP Australia nian La Tuir Mekanismu, CAC, CFP no PDHJ Halo Intevensaun iha SEPFOPE

by

Dili – Komisariu Adjunto ba Asuntu Prevensaun no Sensibiliasaun Comissão Anti-Corrupção (CAC) Dr. Luis de Oliveira Sampaio hamutuk ho KOmisariu (Comissão Função Publica) Dr. Antonio Freitas no Provedor Adjunto PDHJ Dr. José Telo hamutuk ho ekipa instituisaun tolu Kinta-feira (8/10) horseik loraik ba halao intervensaun supreza ida iha Sekretariu Estadu para Politica Formasaun Profesional no Empregu (SEPFOPE) kona-ba Seasonal Worker Program (SWP) nian ba servisu iha Australia.

Ekipa konjunta hahu inspeksaun surpreza iha fatin teste fiziku ba kandidatus trabahador ba Australia nian iha Sentru Formasaun Polisia Comoro no kontinua ba iha Sentru Formasaun SENAI Becora Dili.

Intervensaun no inspeksaun supreza nee lider instituisaun Estadu halo hafoin ekipa CAC halao monitorizasaun direta iha terenu no revela deskobrementu lubuk ida ne’ebé implementasaun rekrutamentu no teste ba kandidatu sira la tuir padraun no mekanismu SEPFOPE nian neebé estabelese tiha ona.

Dekobrementu fatal no nakonu ho konflitu interese (CoI) ne’ebé eis-Chefe Aldeia Wedalac Suku Bairopite no actual Sekretariu Estado SEPFOPE Alarico do Rosario halo iha prosesu rekrutamentu no teste iha SWP ne’e mak envolve asesor no political appointing sira iha ninian gabinete hodi ba halo teste ba kandidatus trabalhador sira.

Hafoin CAC halo intervensaun iha prosesu rekrutamentu ba Kandidatus trabalhador hamutuk nain 6000 ne’ebé sei haruka ba iha Australia ne’e envolve deit staff permanente SEPFOPE hodi promove transparenti no akuntabilidade iha prosesu rekrutamentu ne’e.

DESKOBREMENTU BA AKOMPAÑAMENTU IHA PROSESU TESTE KANDIDATU SEASONAL WORKER PROGRAM (SWP) –SEFOPE 

Ekipa examinador sira iha inisiu la utiliza identidade hanesan ID card no kamizola/farda, nune’e fó oportunidade ba funsionariu SEPFOPE seluk ne’ebe maka la’os ekipa examinador  atu involve iha teste laran.

Kualker  funsionariu  SEFOPE livre atu tama iha area teste tanba laiha regras.

Kada examinador iha poder atu deside pasa ka lae, tanba ne’e maka akontese kandidatu balun maske bomba rai ka sit and reachla tuir padraun manual nian maibe examinador fó pasa nafatin. Iha parte seluk examinador seluk mos aplika estandarte/padraun ne’ebe  regorozu ba sira seluk.

Ekipa examinador  ne’ebe hanesan iha parte ezersisiu teste bomba rai, sit and reach, ne’ebe la efisiensia no iha indikasaun halimar nilaihodi fó ba kandidatu sira ne’ebe maka examinador gosta.

Tempo ba teste teste halai iha oras meudia ka depoisde oras meiudia rezult  kandidatu barak maka la passa tanba la aguenta ho rai manas.

Ekipa ezaminador SEFOPE sira simu orientasaun husi Diretor Filomeno katak dokumentu sira husi kandidatu sira ne’ebe pasa ka la pasa iha selesaun agora ne’e sei rai hamutuk no lori hotu SEFOPE mak halo entry fila fali;

Antes ne’e prosesu entry datahalo kedas iha fatin selesaun maibé depois sira halo mudansa atu ba entre fali dadus/data iha kantor – konaba mudansa ne’e CAC intervein kedas no agora prosesu entry ne’e halao fali ona hanesan inisiu;

Ekipa CAC simu mós informasaun husi ezaminador sira katak  asesor sira mak entre data; dokumentu relavente sira husi kandidatu sira hotu entrega ba asesor sira;

Atualmente dadus selesaun kandidatus sira husi munisipiu sira hamutuk iha 11.000 e tál, no kandidatu sira agora halo hela teste ne’e, hamutuk ema maisumenus 13.000 resin. Se iha tan teste ba reklamentes sirane’ebe naran la sai hamutuk 3.000. (*)

Previous postFulan Janeiro - Setembro 2020 CAC Investiga 44 Kazu Korrupsaun Next postHakarak ka Lakohi Servidor Povu Kargu Chefias too PR Tenki Deklara Rikusoi

Popular

Rekrutamentu SWP Australia nian La Tuir Mekanismu, CAC, CFP no PDHJ Halo Intevensaun iha SEPFOPE