Featured Stories

Lei MPCC Obriga Partidus Politiku atu Selesiona Kuadrus ho Integridade Diak ba Servi Povu

by

Dili – Komisariu Commissão Anti Corrupçao (CAC) Dr. Sergio Hornai hateten lei foun Nu. 7/2020 – Medidas Prevensaun no Kombate Korrupsaun (MPCC) artigu seis (6) – Medidas Relativas a Partidos Politicos obriga lider partidu politiku sira atu selesiona ninian kuadrus politiku sira ho integridade diak atu ba assume kargu iha orgaun soberanu, instituisaun publiku Estadu wainhira hetan fiar husi povu liu husi Eleisaun Jeral.

“Atu evita konflitu interese iha knar fatin Partidu politiku sira iha obrigasaun atu selesiona ninian kuadrus politiku sira ho integridade diak mak ba servi povu ho nasaun. Ida nee atu promove transparansia, akuntabilidade no honestidade wainhira sira assume kargu publiku ruma iha instituisaun publiku, orgaun soberanu sira” Katak Komisariu Sergio iha ninian intervensaun.

Lia hirak ne’e Komisariu Sergio hatoo wainhira sai orador principal iha Round Table Discussion loron sorin ne’ebé organiza husi The International Republican Institute (IRI) ho FONGTIL Kuarta-feira (14/10) iha Salaun Reuniaun Cruz Vermelha TL, Bairo Formosa Dili.

Iha artigu seis Lei MPCC “Os partidos politicos tem e obrigação de promoter o conhecimento e a conciencializacao dos seus militantes e dirigentes sobre os riscos de corrupcao, bem como tem a responsabilidade de adotar medidas de preencao” nee haklaken momoos ba lider partidus politikus sira atu promove transparensia, akuntabilidade hodi asegura boa governasaun forte ba moris diak povu nian iha rai doben Timor-Leste.

Artigu ida nee katak Komisariu Sergio fo ba Timoroan sira neebe tama iha partidus politikus ezisti iha Timor atu assume kargu politika iha future bele tuir formasaun diak tamba katak Komisariu Sergio ema hotu iha lei nian okos. Wainira iha infrasaun ruma iha knar fatin, CAC iha obrigasaun tuir lei haraik ba Komisaun halao aksaun represiu ho rigorozu no firmeza ba pou no nasaun doben Timor nian diak.

Atu politiku nain sira hatene kona-ba lei MPCC nee, Espesialista Anti-Korrupsaun (EAK) hamutuk ho kamada Timorense hodi habelar informasaun liu husi workshops, sorumutu meja redonda, seminaria atu forma politiku nain sira ho integridade diak, honestu, akuntavel hodi nunee wainhira assume kargu importante iha orgun soberanu no instituisaun publiku Estadu nian halao ho transparenti, akuntavel.

Paper ne’ebé Komisariu aprezenta iha Diskusaun Meja Redonda ne’e mak “Mekanismu no Planu Assaun Relasiona Oinsa Atu Hakbit Esforsu sira Hodi Kombate Korrupsaun iha TL” tuir lei MPCC. Diskusaun Meja Redonda ne’e aprezenta orador nain tolu (3); Komisariu CAC, Prezidenti Komisaun A Parlamentu Nasional (PN) Deputadu Dr. Joaquim “Boraluli” dos Santos, Diretor Ezekutivu AJAR Dr. José Luis de Oliveira no modera husi Prezidenti Konselhu Imprensa (CI) Dr. Gil “Alturas” Guterres. (*)

Previous postSenior Management CAC no EAK Tomak Tuir Formasaun Lei MPCC Next postFormasaun Lei MPCC Termina, EAK Prontu Aranka ba Halo Sosializasaun

What do you think?

Name required

Website

Popular

Lei MPCC Obriga Partidus Politiku atu Selesiona Kuadrus ho Integridade Diak ba Servi Povu