Featured Stories

Fulan Janeiro – Setembro 2020 CAC Investiga 44 Kazu Korrupsaun

by

(Suspeitu nain 41 no Sasin 352)

Dili – Komisariu Commissão Anti Corrupçao (CAC) Dr. Sergio Hornai aktualiza numeru actual dadus kazu krimi korrupsaun ne’ebé CAC investiga husi fulan Janeiru too Setembru hamutuk 44 kazus korrupsaun. Informasaun ne’e Komisariu Sergio hatoo ba iha Meritismo Juiz Prezidenti Tribunal Rekursu Dr. Deolindo dos Santos iha Edifisiu Tribunal Rekursu Caicoli Dili durante audiensia kortezia Senior Management CAC nian iha loron Segunda-feira (5/10) horseik.  

Husi kazu 44 ne’e, total kazu pendent 2019 hamutuk 17 kazus, relatoriu final ba kazu pendent 2019 nian hamutuk 13. Kazu pendenti 2019 nian ne’ebé EAK sira oras ne’e investiga hamutuk hat (4).

Total delegasaun kompetensia husi Ministeriu Publiku nudar nain ba aksaun krimi tuir Konstituisaun iha tinan 2020 ne’e hamutuk 27 kazus. Relatoriu final 14 kazus no oras ne’e kontinua investiga hamutuk 13 kazus.

“Hakarak informa ba Sua-Ekselensia Prezidenti (Tribunal Rekursu) (katak) husi fulan Janeiro too mai agora (Setembro) investiga ona kazu (korrupsaun) hamutuk 44. Konserteja informasaun substansia labele divulga mais nudar informasaun jeneriku ba Sua-Ekselensia,” Katak Komisariu Sergio Hornai.

Total relatoriu final kazu pendenti 2019 aumenta ho delegasaun kompetensia 2020 ba MP hamutuk kazu 27 (13+14=27) no oras ne’e kontinua halao prosesu investigasaun ba kazu hamutuk 17.

Hahu fulan Janeiru too mai Setembro ne’e CAC investiga ema hamutuk nain 393. Sasin nain hamutuk nain 352 no suspeitu hamutuk nain 41.

Hafoin kompleta prosesu investigasaun criminal, Komisaun obrigado hao relatoriu final ba iha Ministeriu Publiku no prokurador sira halo apresiasaun hodi arquiva, halo akuzasaun no promove ba iha tribunal hodi halo julgamentu.

Suspeitu sira nafatin ema inosente no tribunal tane aas prinsipiu perjumsaun inusensia antes juiz hatun desijaun final liu husi julgamentu. (*)

Previous postSenior Management CAC Halo Audiensia Kortezia ba Prezidenti TR Deskuti Implementasaun Lei MPCC no PECAC 2021-2025 Next postRekrutamentu SWP Australia nian La Tuir Mekanismu, CAC, CFP no PDHJ Halo Intevensaun iha SEPFOPE

Popular

Fulan Janeiro – Setembro 2020 CAC Investiga 44 Kazu Korrupsaun