Featured Stories

EFK Obrigatoriu Dada Kareta Estadu husi eis Funsionariu Kontratadu ME

by

Dili –Ekipa Fiskalizasaun Konjunta (EFK) obrigatoriumente dada kareta Estadu husi eis-funsionariu kontratdu Lindo da Sila iha Ministeriu Edukasaun ne’ebé durante tinan barak uza hodi halao servisu Estadu nian maibe la entrega ba Diresaun Lojistika ME nian iha Suku Becora Sesta-feira (25/9) ohin iha Becora Dili.

Ekipa EFK ne’ebé halo aksaun represivu ne’e kompostu husi Comissao Anti Corrupcao (CAC), Polisia Nasional Timor-Leste (PNTL), Comissao Funcao Publica (CFP), Diresaun Nasional Transporte e Terrestre (DNTT), Patrimonio Estadu no ofisial Ministeriu Edukasaun rasik.

Kareta type Pajero Mini ho plat 20;414 ne’e patrimoniu doasaun husi Banku Mundial ba Ministeriu Edukasaun iha tinan 2003-2005 liu ba ne’ebé funsionariu kontratadu sira uza ba halao servisu Estadu nian. Patrimoniu hirak ne’e rejistadu ona iha Diresaun Patrimoniu Estado Ministeriu Finansas no oras ne’e EFK kontinua halao servisu rekolhamentu ba patrimoniu Estadu hirak ne’e iha utilizador sira nian liman.

Patrimoniu Estadu husi doasaun Banku Mundial nian identifika ona no oras ne’e EFK sei halao aksaun represivu hodi rekolha hotu kareta hirak ne’e tamba funsionariu utilizador sira balun la servisu ona iha Ministeriu Edukasaun.

Maske eis-funsionariu ME oras ne’e servisu ona iha fatin seluk maibe kontinua utiliza kareta doasaun Banku Mundial nian ho plat privadu. “EFK identifika hotu ona patrimoniu Estadu no sei kontinua rekolha hotu inklui funsionariu ho kargu chefias sira ne’ebé mandatu hotu ona maibe sei utiliza kareta no motor Estadu nian mos sei foti hotu,” Katak Euclides Madeira, Pontu Fokal CAC ba EFK.

EFK apela ba Eis-funsionariu ME sira ne’ebé sei kontinua utiliza kareta Estadu nian doasaun husi Banku Mundial atu voluntariamente entrega kareta Estadu ba EFK. Eis-Funsionariu ho kargu chefias sira ne’ebé simu kareta no sira ninian mandatu remata mak seidauk entrega fali kareta mos tenki entrega ka EFK sei ba halo aksaun represivu. (*)

Previous postSenior Management CAC Aprezenta Proposta OGE Komisaun nian ba KROP Next postVAGA SERVISU - Pós Títulu :Konsultór/Assesor ba Elaborasaun Planu Estratéjia Comisasão Anti- Corrupção (PECAC) periudu 2021-2025

Popular

EFK Obrigatoriu Dada Kareta Estadu husi eis Funsionariu Kontratadu ME