Featured Stories

CAC Sorumutu ho Ministro Estadu Prezidensia Konselhu Ministro Fidelis Kona-ba Relatoriu Deskobrementu Implementasaun Subsidiu Fundu Agregadu Familiar

by

Dili – Komisariu Adjunto ba Asuntu Prevensaun no Sensibiliasaun Comissão Anti-Corrupção (CAC) Dr. Luis de Oliveira Sampaio akompanha husi Diretor Jeral Preensaun no Sensibilizasaun Dr. Rosario de Araujo, Diretora Promosaun Valores Integrida Dra. Leonilda Lobato no Diretor Estudu Avaliasaun Risku Dr. Cirilio Abi ba aprezenta “Relatoriu Deskobrementu Implementasaun Subsidiu Fundu Agregadu Familiar” nian ba iha Ministro Estadu Prezidensia Konselhu Ministro Dr. Fidelis Magalhaes Segunda-feira (7/9) ohin iha Palacio Governu Dili.

Iha sorumutu nee Komisariu Adjunto CAC Luis Sampaio lori Komisaun nian naran husu Ministro Fidelis ho ninian ekipa asesor sira atu konsidera no hatoo rekomendasaun relatoriu deskobrementu ekipa konjunta CAC, PDHJ, IGE no KFP nian kona-ba subsidiu agregadu familiar ne’e ba iha Primeiru Ministro Jeneral Taur Matan Ruak.

Iha sorumutu ne’e KOmisariu Adjunto CAC Luis Sampaio husu ba Ministri Fidelis Magalhaes fo hatene ba PM Jeneral Taur Matan Ruak kona-ba deskobrementu sira ne’ebé deskreve ona iha relatoriu ne’e kona-ba baze-dadus problematiku, lista benefisiariu doubru, lista potensial falsa sira (hanesan joventude), ema mate tiha ona sei tama lista benefisiariu, benefisiariu ho salariu liu $500.

Komisariu Adjunto Luis Sampaio esplika mos ba Ministro ho ninian ekipa asesor sira kona-ba MSSI halo kontratu ho impreza privada ne’ebe fornese veikulu/transporte ninia pérfil ne’ebé la klaru  iha sira ninian lisensa negosiu nian no mos benefisiariu sira ne’ebé rejistu hafoin 30 Marsu 2020.

Ministro Fidelis lori VIII Governu Konstitusional hatoo apresiasaun a’as ba deskobrementu ida ne’e no promote sei hatoo iha reuniaun Konselho Ministru nian hodi hamutuk hadia naksalak sira ne’ebé akontese.

Ministri Fidelis mos akresenta katak atu asegura lei no regulamentu sira hatuur iha ninia-fatin no proteze Estadu ninian kredibilidade no integridade mak jestor sira ne’ebé envolve iha mal-jestaun ida ne’e tenki responsabiliza ninian aktu liu husi prosesu investigasaun hodi lori ba hatan iha Ministeriu Publiku no tribunal.

Sorumutu hanesan halao tiha ona ho Ministeriu Administrasaun Estatal (MAE) MSSI no autoridade lorak Munisipiu Dili hodi diskuti no aprezenta deskobrementu sira ba implementasaun fundu agregadu familiar iha ambitu prevensaun Covid-19 nian. (* )

Previous postCAC no Autoridade Lokal iha Dili Konsolida Forsa Avansa Prevene no Kombate Korrupsaun Next postLuta Kontra Korrupsaun Responsabilidade Entidade Timorense Tomak

Popular

CAC Sorumutu ho Ministro Estadu Prezidensia Konselhu Ministro Fidelis Kona-ba Relatoriu Deskobrementu Implementasaun Subsidiu Fundu Agregadu Familiar