Featured Stories

CAC no Autoridade Lokal iha Dili Konsolida Forsa Avansa Prevene no Kombate Korrupsaun

by

Dili – Komisariu Adjunto Comissão Anti-Corrupção (CAC) ba Asuntu Prevensaun no Sensibilizasaun Dr. Luis de Oliveira Sampaio hateten seminariu loron sorin ho topiku “Papel Lider Komunitaria ba Prevene Korrupsaun” ba autoridade lokal no lider komunitaria sira ne’ebé realiza iha loron 31 fulan Agosto liu ba iha Sentru Formasaun Judisiariu Caicoli nudar oportunidade diak ba CAC ho Autoridade local no komunitariu sira hodi konsolida forsa no hanoin atu kontinua avansa servisu iha prevene no kombate korrupsaun.

“Hau hanoin ida ne’e tempu opportune ba ita hasoru malu hodi konsolida forsa, konsolida hanoin hodi nune’e ita kontinua avansa servisu iha prevene no kombate korrupsaun,” Katak Komisariu Adjunto Luis Sampaio iha ninian intervensaun.

Komisaun iha kolaborasaun diak ho Prezidenti Autoridade Munisipiu Dili Dr. Gaspar Soares realiza seminariu sensibilizasaun ne’e hodi limite potensia korrupsaun. fo hanoin ka akonsela servisu sirak ne’ebé ligasaun ho publiku nian, autoridade local sira, autoridade munisipiu sira atu sira bele prevene no kombate korrupsaun iha rai laran.

Iha oportunidade ne’e, Komisariu Adjunto Luis Sampaio esplika mos ba partisipantes lider komunitaria no lider local sira liu 200 kona-ba kontekstu servisu prevensaun krimi korrupsaun nudar misaun Komisaun nian ne’ebé Lei Nu. 8/2009 haraik ba Komisaun.

“Komisaun iha papel importante rua; prevensaun criminal no investigasaun kriminal. Iha sosiedade nian laran, kuandu ita koalia kona-ba CAC ema hotu hotu hanoin kona-ba servisu represivu,” Komisariu Adjunto Luis Sampaio sublinha.

Komisariu Adjunto Luis Sampaio fo hanoin ba autoridade local  no lider komunitaria Dili sira atu lalika paniku ba servisu represivu Komisaun nian iha area investigasaun criminal nian. Tamba, wainhira Timoroan sira servidor povu no inklui lider komunitaria sira kumpri didiak regulamentus sira hodi fo porsaun ba iha prevensaun nian hodi monu ba tentasaun pratika korrupsaun iha servisu fatin mak Komisaun sei la halo investigasaun, inkeritu no detensaun.  

“Servisu investigasaun criminal ne’e mak dala ruma halo ita paniku oituan, halo ita senti prejudika oituan tamba ne’e ligasaun servisu ho polisia halo, investiga, inkeritu, detein no kaptura. buat sira ne’e mak dala ruma halo ita hanoin CAC nian knar mak ida ne’e deit. Lae. Se ita bele fo porsaun servisu ba iha prevensaun! Ita sei la hasoru servisu investigasaun. tamba ida ne’e ajuda ita, trava tiha ita antes. ajuda ita atu taka dalan tiha ba potensia korrupsaun sira nian,” Katak KOmisariu Adjunto Luis Sampaio. (*)

Previous postLider no Autoridade Lokal Munisipiu Dili Nain 200 Resin Partisipa iha Seminariu Prevene no Kombate Korrupsaun Next postCAC Sorumutu ho Ministro Estadu Prezidensia Konselhu Ministro Fidelis Kona-ba Relatoriu Deskobrementu Implementasaun Subsidiu Fundu Agregadu Familiar

Popular

CAC no Autoridade Lokal iha Dili Konsolida Forsa Avansa Prevene no Kombate Korrupsaun