Featured Stories

CAC Apela Pesoal Des-Honestu Fo Fila $200 Voluntariamente ka CAC Halo Aksaun Represivu

by

Dili – Komisariu Adjunto ba Asuntu Prevensaun no Sensibiliasaun Comissão Anti-Corrupção (CAC) Dr. Luis de Oliveira Sampaio reafirma Komisaun ninian apela atu ema sira la eligible ba Programa Subsidiu Fundu Agregadu Familiar iha ambitu COVID-19 ho valor $200 kada familia atu voluntariamente fo fila osan povu nian. Se la devolve osan Estadu nian Komisaun sei kontinua ho aksaun represivu ba pesoal des-honestu sira.

Lia hirak ne’e Komisariu Adjunto Luis Sampaio hatoo ba Ministro Prezidensia Konselhu Ministro Dr. Fidelis Magalhaes wainhira Komisaun ba aprezenta “Relatoriu Deskobrementu Implementasaun Subsidiu Fundu Agregadu Familiar” Segunda-feira (7/9) iha Palacio Governu Dili.

Iha sorumutu ne’ebé Komisariu Adjunto Luis Sampaio akompanha husi Diretor Jeral Prevensaun no Sensibilizasaun Dr. Rosario de Araujo, Diretora Promosaun Valores Integrida Dra. Leonilda Lobato no Diretor Estudu Avaliasaun Risku Dr. Cirilio Abi ne’e esplika baiha Ministro Fidelis ho ninian ekipa asesor sira lalaok komunikasaun oin-ne’ebé oin Komisaun halo hela no rekomenda tiha ona ba ministeriu tutela sira hanesan Ministeriu Solidaridade Sosial e Inkluzaun (MSSI) ho Ministeriu Administrasaun Estatal (MAE) atu bele halo prevensaun hodi nune’e osan sira ema la eligible simu bele devolve fali ho voluntariamente.

“Komisaun husu ba Ministro Prezidensia Konselho Ministru atu koordena no apela hela ba ministriu hirak atu kolabora implementasaun devolve osan hira ne’e (husi benefisiariu la eligible sira nian liman) atu eduka sosiedade neebé iha integridade no laos sosiedade ida korruptu,” Katak Komisariu Adjunto Luis Sampaio.

Komisariu Adunto Sampaio hatutan teni Komisaun tuir loloos halao ona investigasaun criminal ba ema des-honestu no la iha integridade hirak ne’e, maibe lei mos permiti CAC atu halo koordenasaun servisu iha ambitu prevensaun korrupsaun.

“Se ami (CAC) mak hakarak investiga! Investiga deit mais ami husu tiha ona ba sira (benefisiariu la eligible) hakarak kolabora. Sira rasik lori fila osan (Estadu) mai ho sira ninian karta no identidade,”

Mekanismu atu devolve fali osan katak Komisriu Adjunto Luis Sampaio oras ne’e Komisaun deskuti hela ho MSSI ho MAE hodi resolve individu sira ne’ebé nafatin iha vontade atu ajuda Estadu iha prosesu ida ne’e.

“Balun dezafia fali ami (CAC) maibe ami sei tolera ho stuasaun sira hanesan ne’e no CAC husu atu kolabora diak liu atu devolve fali osan Estadu nian ka simu aksaun represivu tuir lei haraik mai Komisaun,” Komisariu Adjunto Sampaio afirma. (*)

Previous postLuta Kontra Korrupsaun Responsabilidade Entidade Timorense Tomak Next postLei Difamasaun Bele Prejudika Luta Prevene no Kombate Korrupsaun iha TL

Popular

CAC Apela Pesoal Des-Honestu Fo Fila $200 Voluntariamente ka CAC Halo Aksaun Represivu