Featured Stories

VAGA SERVISU – Pós Títulu :Konsultór/Assesor ba Elaborasaun Planu Estratéjia Comisasão Anti- Corrupção (PECAC) periudu 2021-2025

by

Termu Referénsia

Pós Títulu                    :Konsultór/Assesor ba Elaborasaun Planu Estratéjia Comisasão Anti-              Corrupção  (PECAC) periudu 2021-2025

Fatin                            : Comissão Anti Corrupção (CAC), Dili

Durasaun Servisu        : Loron 30

Tipu servisu                 : Pagamentu bazeia ba output

Kustu kada loron        : Entre USD 200- USD 425

Klasifikasaun              : Vaga referé presiza kandidatu sira ne’ebé disponibel imediata.

Servisu konklui           : 5 Dezembru 2020

Aplikante                    : Bele individu ka kompania konsultor

Nú Referénsia                         : 02/CAC/X/2020

  1. Introdusaun

Comissão Anti-Corrupção (CAC) nu’udar instituisaun Estadu ne’ebé estabelese ho lei númeru 8/2009, loron 15 fulan-jullu nia misaun mak halo asaun prevensaun no investigasaun kriminál ba krime korrupsaun sira hamutuk ho fórma tipu krime sira seluk hanesan krime pekulatu, abuzu podér, tráfiku influénsia no partisipasaun ekonómika iha negósiu, hanesan define ona iha lejislasaun penal nian.

Para atu bele hala’o servisu sira iha asaun prevensaun no kombate korrupsaun sira define ona, importante Comissão Anti-Corrupção (CAC) tenke no presiza hamosu planu estratéjiku proprio atu orienta servisu sira alkansa tuir objetivu sira. Tanba ida-ne’e hahu iha tinan 2012 Comissão Anti-Corrupção (CAC) hamosu nia Planu Estratéjiku ba tinan 2012-2020, ne’ebé lakleur-tan sei remata iha fulan outubru tinan ida ne’e nia rohan.

Comissão Anti-Corrupção (CAC) presiza hare fali nia, objetivu, meta, prioridade, programa no atividade sira ne’ebé implementa ona iha tinan sanulu (10) ba kotuk liu ba. Urgensia ba elaborasaun Planu Estratéjiku foun tinan 2021-2025, importante tanba atu halo artikulasaun servisu Comissão Anti-Corrupção (CAC) nia situasaun real presente no futuru mai.

Elaborasaun planu estratéjiku ne’e bele lao ho-didiak presiza hetan partisipasaun emar lubuk atu define vizaun misaun no objetivu sira, atu fasilita ka kontribui ba servisu preparasaun planu estratéjika Comissão Anti-Corrupção (CAC) 2021-2025. Comissão Anti-Corrupção (CAC) liu husi reuniaun Konsellu Konsultivu loron kinta-feira, 27 fulan-agosto tinan 2020, buka kumpriende no hare’e klean eziztensia lei númeru 7/2020, loron 26 fulan-agosto, ne’ebé hamosu Lei Medidas Prevensaun no Kombate Korrupsaun (MPKK) liu husi reuniaun ne’e mosu razoens lubuk ne’ebé forma konviksaun ba komisariu hodi hamosu Despaixu númeru 16/GC/CAC/VIII/2020, 27 fulan-agostu, desidi estabelese ekipa ba elaborasaun Termu Referênsia (ToR) Planu Estratéjiku  CAC 2021-2025, ho nia Tópiku: Comissão Anti-Corrupção (CAC) iha Pasadu, Presente no Futuru.

Termu Referênsia ida ne’e, nu’udar mata-dalan ida oinsa mak ekipa atu halo preparasaun prosesu sira, define mekanizmu, Sistema rekolla informasaun liga ba progressu, dezafiu no impaktu sira kona-ba eziztensia Comissão Anti-Corrupção (CAC) nian durante tinan sanulu (10) liu-ba kotuk. Comissão Anti-Corrupção (CAC) buka koñese nia-an nu’udar instituisaun importante no estratéjiku Estadu nian, hahu inisiu mai oinsa, iha ne’ebé ona agora, no buka define oinsa atu fó haka’at ba tinan lima (5) mai.

  1. Metodolojia atu Halo Planu Estratéjia   Comisasão Anti-Corrupção   (PECAC) 

Atu hetan rezultadu ida di’ak presiza define estratéjia oinsá idak, tuir natureza servisu CAC nian. Emjeral métodu partisipatoriu nu’udar prinsípiu ida mandatoriu hodi halo estratéjia ida ne’ebé mak di’ak. Kritériu Estratéjia ida di’ak mak fatin ba ema funsionáriu hotu hodi avalia rasik sira nia servisu hodi identifika ninia progresu no dezafiu sira no fó hanoin oinsá mak atu hakaat ba oin. Alende ida ne’e, tanba CAC la’ós de’it servisu eskluzivu ba nia-an de’it, tan ne’e nesesidade atu konsulta ho ninia parseiru sira no públiku ne’e imperativu.

Hodi atinje ida ne’e, iha dalan oioin hodi asegura partisipasaun ema hotu nian. Dalan balun hili relasiona ho asuntu mak hanesan halo avaliasaun interna no konsulta públiku. Iha konsulta públiku sei halo entrevista ho matenek-na’in no pratikante sira, no halo soru-mutu hodi fó tempu ba iha autoridade parseiru sira hodi fahe esperiénsia no fó sira nian hanoin oinsá mak CAC hakaat ba oin.

Ho razaun neé, mak CAC presiza rekruta Konsultór/Asesór Nasionál ida ne’ebé mak sei tulun CAC hodi hala’o servisu refere, ho ninia detaillu hanesan tuir mai neé.

  1. Devér no Responsabilidade

Konsultór/Asesór Nasionál sei responsabiliza ba atribuisaun serbisu hirak tuir mai ne’e:

  1. Apoiu Sekretariadu CAC nian hodi koordena atividade sira relasiona ho prosesu Desenvolvimentu Planu Estratéjia Comisasão Anti-Corrupção  (PECAC),
  2. Fó apoiu tékniku ba Ekipa servisu, liuliu atu tulun halo desk review hodi rekolla informasaun sira, no fasilita entrevista, soru-mutu publiku, avaliasaun interna ne’ebé  defeni ona iha ToR;
  3. Organiza soru-mutu ho CAC no parte-interesada hotu-hotu ne’ebé nakait atu kompleta revizaun prosesu Desenvolvimentu Planu Estratéjia CAC;
  4. Fornese apoio tekniku ba CAC no fó konsultoria ba iha Diresaun servisu sira iha CAC no intergovermentais sira hodi identifika prioridade xave no harmonizasaun iha prosesu Desenvolvimentu Planu Estratéjia CAC;
  5. Halibur informasaun no dokumentu sira ne’ebé relevante ho prosesu Desenvolvimentu Planu Estratéjia no dezenvolve pergunta sira  atu hodi halo entrevista ho matenek nain sira ne’ebé identifikadu;
  6. Kompila informasaun sira ne’ebé relevante husi parseiru sira hanesan: Instituisaun Governu sira ne’ebe identifikadu, Sosiedade sivil, reprezentante akademiku, reprezentante konfisaun  relijiosu, Media, repezentate seitor justisa, reprezentate empresariu no intituisaun sira nakait seluk  hodi elabora prosesu Desemvolvimentu Planu Estratejia CAC;
  7. Koordena no elabora Planu Estratéjiku bazeia ba informasaun ne’ebé mak mai husi desk Reviw, avaliasaun interna, entrevista no konsultasaun públiku.
  8. Aprezenta ezbosu Planu Estratéjia CAC tinan 2021-2025 ba estrututa CAC hodi hetan aprovasaun;
  • Rezultadu ne’ebé ita hein/Resutado esperados
  • Halaó ona Desk Review
  • Fasilita ona avaliasaun interna no konsulta publiku liuhusi entrevista no soru-mutu ho peritu sira;
  • Kompila ona hamutuk informasaun sira sira relasiona ho pontu 2,
  • Produs Ezbosu Planu Estratéjia CAC ba tinan 2021-2025 aprezenta ona ba iha strutura CAC hodi halo apresiasaun molok halo aprovasaun;
  • Planu Estratéjia CAC ba tinan 2021-2025 konklui no hetan ona aprovasaun husi Komisariu CAC.
  • Durasaun servisu no Pagamentu

Tempu atu halo servisu loron tolunulu (30). Espetativa finaliza Planu Estratéjia CAC ba tinan 2021-2025  final tenke hatama ona tarde liu loron ikus fulan Novembru

  • Rekezitu sira

Rekizitu neé bele aplika iha aplikante sira individu ka ekipa/insitutisaun.

  1. Koñesimentu Jeral
  2. Iha konesimentu aas liga ho Planu Estratéjia, ho ninia mekanizmu sira ba avaliasaun nian;
  3. Iha ona esperiénsia servisu ho ajensia/instituisaun sira nasionál no internasionál iha área Anti-korrupsaun nian, liuliu  liga ho Planu Estratéjia, inklui padraun liga ho mekanizmu revizaun ba prosesu Desenvolvimentu Planu Estratéjia  refere.
  4. Iha koñesementu diak kona-ba sistema polítika Timor-Leste nian, liuliu sistema legal Timor-Leste nian, no boa governasaun no anti-korrupsaun transversal.
  • Abilidade sira pesoal no nian:
  • Iha kbiit halo analítiku no elaborasaun ba asuntu sira ligadu;
  • Kapasidade hodi fasilita parte interesadu sira iha esforsu anti-korrupsaun,
  • Iha kapasidade atu servisu iha ambiente multikultural;
  • Kapasidade halo servisu ho inisiativa rasik hodi koordena ho ekipa servisu
  • Abilidade a’as iha hakerek relatóriu ho exelente;
  • Kualifikasaun Edukasaun:

Graduadu husi universidade sira akreditadu ho grau lisensiatura iha área relevante hanesan Jestaun no Planeamentu, direitu, siensia social, polítika publiku, relasaun internasionál, ka área relevante.

  • Esperiénsia Servisu

Mínimu tinan lima iha esperiénsia servisu profisionál iha area sira hanesan jestaun no planeiamentu, anti-korrupsaun/boa governasaun, fasilita planu estatejiku.

  • Abilidade iha Língua
  • Hatene no koalia iha Lian Tetun, Ingles no Portuguese
  • Abilidade hakerek ho diak iha Lian Tetun
  • Kuandu iha abilidade iha Lian Ingles no Portuguese diak-liutan.
  • Dokumentu sira neébe presiza

Ba aplikante sira individu:

  1. Karta Expression of Interest (espresaun interese),
    1. Proposta Finanseiru
    1. CV,
    1. Kartaun identidade: Eleitoral ka BI ka passaporte,
    1. Diploma sira relevante no
    1. Dokumentu sira seluk relevante.

Ba aplikante kompania Konsultor:

  1. Karta Expression of Interest (espresaun interese),
  2. Proposta Finanseiru
  3. CV husi servisu nain sira neébe atu halo servisu relevante, inklui, Kartaun identidade, Eleitoral ka BI ka passaporte, Diploma sira relevante no
  4. Dokumentu sira instituisaun ka kompania konsultor neébe relevante.
  • Prosesu Selesaun

Selesaun kandidatu bazeia ba iha prova dokumentu sira neébe temi iha leten, inklui esperiensia servisu no Proposta Finanseira.

  • Diresaun hatama dokumentu
  • Kandidatu hirak ne’ebé interesadu ba vaga refere, bele komunika diretamente ba Diretor Nasionál Servisu Pesoal Apoio, Sr. Luís Ersio de J.X. Guterres iha escritório da Comissão Anti-Corrupção (CAC), Travessa Sérgio Vieira de Melo No .8, Farol-Dili, Timor-Leste ou via e-mail: ersiocac@gmail.com ; cactimorleste@cac.tl.  
  • Aprezentasaun dokumentu hahu husi loron 02- 12 Outubru 2020. Oras tuku 8:30-17:30.

Perpara husi:                                      Verifika husi:                                   Koñesimentu husi:

Luis Ersio Ximenes                         Carlos Bento Maubere                 Alexandre Faustino Freitas

   Xefi UPA                                          Diretor  SAK                                             Komisáriu Adjuntu

Aprova husi:

Sérgio de Jesus F. Da C. Hornai

Komisáriu

Previous postEFK Obrigatoriu Dada Kareta Estadu husi eis Funsionariu Kontratadu ME Next postSenior Management CAC Halo Audiensia Kortezia ba Prezidenti TR Deskuti Implementasaun Lei MPCC no PECAC 2021-2025

Popular

VAGA SERVISU – Pós Títulu :Konsultór/Assesor ba Elaborasaun Planu Estratéjia Comisasão Anti- Corrupção (PECAC) periudu 2021-2025