Featured Stories

Senior Management CAC Halao Sorumutu Kortejia ho Administrador Aileu

by

Aisirimou – Senior Management Comissao Anti Corrupcao (CAC) kompostu husi Komisariu Dr. Sergio Hornai, Komisariu Adjunto Dr. Augusto Castro, Dr. Luis Sampaio no Dr. Alexandre Freitas halao vizita kortejia ba Administrador Munisipiu Aileu Joao Tilman do Rego iha edifisiu administrasaun Munisipiu Aileu iha Aisirimou Kinta-feira (9/7) loraik ohin.

Objetivu husi sorumutu kortejia nee atu agradese ba Administrador Aileu nebe sai uma nain diak ba diskusaun Lei Anti Korrupsaun (LAK) durante semana rua.

Mensajen importante husi sorumutu kortejia ne mak Senior Management CAC hakarak agradese ba povu no autoridade Aileu no espera autoridade Aileu sei kolabora nafatin ho CAC sosializasaun LAK iha futuru ba povu no nasaun Timor-Leste nian diak.

Aisirimou Aileu nudar fatin historiku ba povu no nasaun Timor-Leste iha loron 15 fulan Augusto tinan 1975 liu fundador nasaun sira hahu organiza frente armada ba funu libertasaun nasional.

Espera ho sorumutu kortejia nee belenhametin lasu amizade entre CAC ho autoridade munisipiu Aileu ho povu tomak sosializasaun ba lei anti korrupsaun iha futuru bele hahu husi Aisirimou molok ekipa CAC ba munisipiu seluk iha teritoriu tomak. (*)

Previous postDeputadu Muda Titulu LAK ba Medidas de Prevenção e Combate a Corrupção Next postKomunikadu Imprensa - Monitorizasaun Subsidiu Agregadu Familiar iha Ambitu Covid-19 Ekipa Konjunta PDHJ-CAC-IGE-CFP

Popular

Senior Management CAC Halao Sorumutu Kortejia ho Administrador Aileu