Featured Stories

Deputadu Muda Titulu LAK ba Medidas de Prevenção e Combate a Corrupção

by

Aisirimou – Iha loron Kinta-feira (9/7), Komisaun A Parlamentu Nasional ba Asuntu Konstitusional no Justisa nain hitu (7) lidera husi Deputadu Joaquim dos Santos Boraluli nudar prezidenti hamutuk ho konvidadus sira husi instituisaun nakait sira ensera diskusaun maratona durante semana tolu (3) husi Hotel Liurai iha Munisipiu Manufahi Same too mai iha Aisirimou Munisipiu Aileu.

Molok ensera diskusaun naruk ne’e, deputadu sira halo votasaun ba proposta Nu. 41 ho ninian proponentes Deputadu Francisco Miranda Branco, Dario Madeira (FRETILIN) no Francisco de Vasconselo (PLP) hodi troka titulu Projeto Lei Nu. 1/V/1 husi Lei Anti Korrupsaun sai fali ho titulu “Medidas de Prevencao e Combate a Corrupcao”.        

Komisariu Dr. Sergio Hornai lidera ekipa Senior Management Commissão Anti Corrupçao (CAC) kompostu husi Komisariu Adjuntu nain tolu (3); Dr. Augosto Castro, Dr. Luis Sampaio, Dr. Alexandre Freitas hamutuk ho Asesora Juridika Komisaun nian Dra. Mariman Oliveira prezente iha prosesu diskusaun intensive moratona ne’e too remata.

Molok eneseramentu diskusaun maratona lei anti korrupsaun nian, Prezidenti Komisaun A PN deputadu Joaquim dos Santos Boraluli fo oprtunidade ba Komisariu CAC Dr. Sergio Hornai espresa apresiasaun no gratidaun ba vontade politika iha luta prevene no kombate korrupsaun.

Parlamentu Nasional liu husi Komisaun A deskuti no aprova lei ida ne’e fo poder ba Komisaun atu halao servisu sagradu ida ne’e ho firmeja ba povu no nasaun doben Timor-Leste nian diak ba prosperiedade moris, integridade, dignidade, transparenti no ho akuntabilidade.

Nudar operador katak Komisariu Sergio, CAC komprimitidu atu servisu hamutuk ho Prokurador Jeral Republika oinsa halo medidas represivu ba iha investigasaun kriminalidade nian. Nunee mos sei servisu hamutuk ho entidades hotu atu halao servisu prevene korrupsaun iha rai doben Timor-Leste.

“Ida nee ejersisiu ida makaas no halo ejersisiu hotu tuir kbit hanesan ema Timoroan husi Espesialista Anti Korrupsaun, husi dirijente instituisaun ida nee nian oinsa mak atu halo kolaborasaun no koordenasaun institusional para atu fo efetividade ba iha implementasaun karik lei ne’e aplikabel,” Katak Komisariu Sergio iha ninian intervensaun diskusaun ikus Kinta-feira loraik ne’e.

“Dala ida tan lori Comissão Anti-Corrupção nian naran manifesta ami ninian obrigado wain ba nai deputadu sira nian sabedoria ba iha desijaun politika lejislasaun ida nee,” Komisariu Sergio hatutan teni.  

Iha fatin hanesan Prezidenti Komisaun A Deputadu Joaquim dos Santos Boraluli hateten draft Lei Medidas de Prevencao e Combate a Corrupcao nee diak tebes atu garante Estado Timor-Leste ninian ezistensia neebé Konstituisaun garante ona.

Lei ida nee mos sei la fo dalan ba grupu kiik oan iha Timor ne’eé haknar an iha instituisaun publiku husi level Chefe Departamentu too ba iha Prezidenti Republika obrigatoriu tenki halo deklarasaun rikusoi ba iha CAC. Nune’e mos Espesialista Anti-Korrupsaun (EAK) sira iha CAC no Senior Management CAC obrigatoriu tenki deklara mos sira ninian rikusoi ba iha tribunal.

“Kunadu servidor Estado husi nivel Chefe Departamentu too ba iha Prezidenti Republika tenki deklara tuir lei haruka. Kuandu deklara la tuir lei sei hetan sanksaun Objetivu lei ne’e atu halo ita ninian sidadaun sira ne’ebe hetan fiar husi Estadu no povu para sira konsiente katak simu kargu ne’e tenki hatene kargu ne’e todan e hau moris hanesan sidadaun ne’ebe hetan fiar husi povu moris la kontra lei no labele kamat tun kamat sae. Lei ida ne’e ajuda ema atu labele monu ba sala” Katak Prezidenti Komisaun A PN Deputadu Joaquim Boraluli.     

Previous postRonde IV Diskusaun Projeto LAK; Deputadu no Konvidadus Elimina Artigu 21, Avansa Deskuti artigu 22 Next postSenior Management CAC Halao Sorumutu Kortejia ho Administrador Aileu

Popular

Deputadu Muda Titulu LAK ba Medidas de Prevenção e Combate a Corrupção