Dili – Espesialista Anti-Corrupção (EAK) husi Diresaun Investigasaun, Prevensaun no Servisu Apoiu no Kooperasaun hamutuk nain 27 konklui formasaun durante loron tolu (13-15/5) Sobre Anti-Corruption & Financial Investigations, Monday Laundering & Asset Forfeiture liu husi Embaxada EUA nian iha Timor-Leste iha Tower Fatuhada Dili.
Formasaun ne’e ofialmente loke husi Komisariu Comissão Anti-Corrupcão (CAC) Dr. Sergio Hornai akompanha hosi U.S. Ambassador iha Timor-Leste Sua Excellencia Senhora Kathleen Fizpatrick iha loron Segunda-feira (13/5).
Komisariu Comissão Anti-Corrupcão (CAC) Dr. Sergio Hornai akompanha husi Sua Execelensia Ambasodora Estadus Unidos Amerika (EUA) nian mai Timor-Leste Senhora Kathleen Fizpatrick neebe ofisialmente loke formasaun nee iha loron Segunda-feira (13/5) apresia no agradese ba povu no Estado Unidos Amerikanu ba tulun ida nee hodi haklean konhesimentu investigador sira nian iha luta kontra korrupsaun.
“Treinamentu ida ne’e importante tebes atu hasae kapasidade investigador sira nian ba eradikasaun korrupsaun iha Timor-Leste. CAC agradese ba kontinuasaun tulun husi povu no Estado Unidus Amerika atraves ninian embaxada iha Dili. Obrigado ba Sua Exselensia Ambasadora Senhora Kathleen (Fizpatrick),” Katak Komisariu CAC Dr. Sergio Hornai iha ninian intervensaun.
Formador iha formasaun ne’e mak US Eastern District of Tennesse – Knoxville Meritisimu Juiz Thomas A. Varlan, Firstly Assistant US Attorney husi District of Utah Senhor Jared Bennett, Diretora Ezekutivu Unidade Informasaun Finanseira Senhora Maria Jose Sarmento no Doutora Angelina Saldanha husi Ministério Public.
Formasaun ba EAK husi CAC, PNTL, PSIC, Prokuradoria Jeral Republika no Alfandega ida ne’e nudar kontinuasaun tulun iha tinan hirak nia laran husi Embaxada EUA iha TL nian mai instituisaun judisiariu TL. (*)
