Dili – Segunda-feira (4/3) horseik, Komisariu Comissão AntiCorrupção (CAC) Dr. Sergio Hornai akompanha husi Chefe Unidade Kooperasaun Dr. João do Rosario Correia halao sorumutu ho Diretora Department of Justice (DoJ) Estado Unidos Amerika (EUA) ba Southeast Asia Senhora Amy Chang Lee no Asesor Juridiku Rezidente ba Embaixada EUA nian mai Timor-Leste Mr. David Lewen iha Edifisiu CAC Farol Dili.
Sorumutu ne’e koalia sobre posibilidade DoJ atraves Embaxada EUA nian iha Timor-Leste tulun Komisaun atu realiza treinamentu ba Espesialista Anti-KOrrupsaun iha area investigasaun nian. Senhora Diretora Amy Chang Lee espresa mos ninian prontidaun atu oferese kualker asistensia mai Komisaun inklui atu halo pareser ba esbosu Lei Anti-Korrupsaun (LAK) ne’ebé oras ne’e iha ona meja Parlamento Nasional (PN) Timor-Leste. (*)
