Dili – Komisáriu Comissão Anti-Corrupção (CAC) Dr. Sergio Hornai hatoo boas-vindas ba Embaixadora EUA mai Timor-Leste (TL) Sua Excelensia Sra. Kathleen Fizpatrick akompanha husi Vice-Embaixador Dan R. Bischof, Assessor Jurídiku Rezidente ba Embaixada nian David Lewen, Adidu Seguransa Aplikasaun Lei Lech Kazmirski no Chefe Polítiku, Ekonomiku no Konsular Channa Cummings Segunda-feira (2/11) iha edifisiu CAC Farol Dili.
Objetivu husi vizita ida ne’e atu aprezenta ba Komisariu foun ekipa Embaixada EUA ba Komisariu CAC nian foun Dr. Sergio Hornai no koalia mos sobre possibilidades servisu kooperasaun nian iha futuru.
“Ida ne’e ba dahuluk simu vizita Embaixadora Senhora Kathleen hamutuk ho ita boot nian ekipa hodi eksplora possibilidades oinsa it abele servisu hamutuk iha futuru”, Komisariu Sergio Hornai afirma.
Komisariu Hornai hateten CAC nudar instituisaun Estado sei enfrenta hela dezafius oin-oin iha ne’ebé rekere apoiu husi Embaixada EUA iha Timor-Leste.
“… Portantu, espera ita bele haree kooperasaun ho povu no Estado Amerika sei kontinua suporta CAC iha fortalesimentu rekursus humanus CAC nian…”
Iha fatin hanesan, Embaixadora Estados Unidos nian, S.E. Sra. Kahtleen felisita Komisariu Hornai ba ninian pozisaun foun nudar Komissário CAC no espresa embaixada EUA nian iha Timor Leste nian prontidaun atu kontinua apoia servisu hamutuk ho CAC.
“…Ami pronto kontinua servisu hamutuk ho CAC” Katak S.E. Embaixadora Kahtleen.
Embaixada Estados Unidos nian iha Timor-Leste tulun ona CAC iha passadu hodi proporsiona formasaun tantu iha rai laran no mos iha rai liur iha area investigasaun ba kazu korrupsaun. (*)
Related
- “Universitariu UNPAZ Tenki Sente Sai Nain ba Estadu TL no Kontribui iha Luta Kontra Korrupsaun” Adjunto Luis
- Diskursu Kompletu Komisariu CAC Dr. Sergio Hornai iha Selebrasaun Decimo Primeiro Anniversario CAC nian iha Auditoriu Kay Rala Xanana Ministeriu Finansas Ai-Tarak Laran Dili iha loron 22 Fevereiru 2021
- Komemora Decimo Primeiro Aniversario, CAC Ofisialmente Lansa Deklarasaun Rikusoi
- Amo Gui “Fiar ba Misaun EAK Halo no Sai Sasin ba Misaun CAC”
- CCC Vasconselos “Sura ho Ami, Ami Prontu Kolabora ho CAC”
- Disemina Lei MPCC, CAC La Hanourin Funsionariu Estadu Hanesan Professor no Instructor