Dili – Ekipa Comissão Anti-Corrupção (CAC) ne’ebé integra antigu Sekretáriu Eksekutivu CAC Alxandre Freitas, Director Servisu Apoiu no Kooperasaun Carlos Bento Mau Bere no Chefe Unidade Kooperasaun João do Rosario boas-vindas Embaixadora Estadus Unidus Amerika (EUA) iha Timor-Leste Senhora Kathleen Fizpatrick akompanha hosi Chefe-Polítiku, Ekonómiku no Seksaun Consular Channa Cummings no Senior Conselho Anti-Corrupção Peter J. Ainsworth hosi Departamento de Justiça loron Segunda-feira (27/8) ohin iha edifisiu CAC Farol Dili.
Objetivu hosi reuniun ida ne’e, parte rua diskuti kona-ba kontinuasaun assistensia ne’ebé Departamento Justiça, através Embaixada Estadus Unidus nian iha TL sei fornese hanesan implementasaun programas kapacitasaun no assistensia teknika ba CAC.
Embaisada Estadus Amerika mai Timor-Leste tulun ona CAC hodi fasilita formasaun ba Espesialistas Anti-Korrupsaun (EAK) sira ne’ebé fornese husi the Homeland Security Investigations (ICE) and Federal Law Enforcement Training Center (FLETC) baze iha Singapura.
Embaisada EUA iha Dili mos fornese assistensia iha programa hasae kapasitasaun ba EAK liu-liu investigator sira hanesan the Criminal Intelligence and Investigations training nune’e mos, fasilita no finansia investigador CAC nian sira ba atende programa annual iha Akademia Internasional Polísia iha Bangkok, Tailândia. (*)
