Dili – Iha loron Tersa-feira (26/9), Executive Director of the Independent Commission Against Corruption (ICAC) Francis Sham too iha aeroportu Prezidenti Nicolau Lobato Comoro Dili hodi halao vizita ofisial durante loron lima mai iha Timor-Leste.
Objetivu husi vizita ofisial mai iha CAC ne’e, Francis Sham atu rona diretamente esplikasaun husi ulun boot Comissão Anti Corrupção (CAC) kona-ba knar operasional prevensaun no investigasaun criminal iha tinan hitu (7) nian laran.
Francis Sham mos observa no nota oinsa dezenvolve instituisaun CAC sai professional liu tan no oinsa identifika nesesidade CAC nian ba kapasitasaun rekursu humanu iha futuru.
Hafoin vizita ida ne’e. hau sei sumete hau nian relatoriu bah au nian komisariu sa rezultadu husi hau nian vizita ida ne’e hodi hare’e no hatene sa mak ICAC bele halo hodi tulun CAC iha future. Maibe, haul abele garante buat ruma,” katak Francis Sham.
Komisariu CAC Aderito Pinto Tilman hatoo ninian agradesimentu no apresia ba vizita Francis Sham nian mai iha CAC. “Hau hakarak hatoo hau nian obrigado ba Mr. Francis Sham ba ita boot nian vizita mai Timor-Leste espesialmente mai iha CAC hodi troka impresoens ba malu,” katak KOmisariu Adérito Pinto Tilman.
Iha loron lima nian laran ne, Francis Sham esplika ba jerente senior CAC sira kona-ba organizasaun, knar no funsaun ICAC Hong Kong nian. Nune’e mos, Francis rona esplikasaun servisu CAC nian husi Diretor Diresaun Servisu Suporta no Kooperasaun, Diretor Investigasaun no Diretor prevensaun no Sensibilizasaun.
Hafoin vizita loron lima hodi troka impresoens ho ulun boot CAC nian, Francis Sham sei relata ba ulun boot ICAC nian iha Hong Kong atu identifika posibilidade oferese formasaun ba Espesialista Anti Korrupsaun (EAK). (*)
