CAC Halao Reflesaun Annual Iha Maubara

IMG_1291Maubara – Servisu nain Comissão Anti-Corrupção (CAC) hamutuk nain 55 ba halao Sorumutu Annual iha “Casa Retiru” Konventu Madre Carmelitas Maubara, Munisipiu Liquica nia durante loron tolu, 17-20 Dezembru 2014.
Komisariu Dr. Adérito Tilman akompanha husi Komisariu Adjuntu Manuel Bucar ba Prevensaun loke ofisialmente Sorumutu Annual ne’e no Sekretariu Ezekutivu Alexandre Freitas esplika sai regulamentu sorumutu annual durante loron tolu nia atu partisipante sira bele halo tuir.
Oportunidade “Reflesaun Annual” ne’e ho sentidu fo oportunidade ba servisu nain CAC iha diresaun hotu hodi aprezenta sira nia rezultadu servisu bazeia ba Key Performance Indicators iha tinan 2014 ho nia obstakulu, dezafius no nia diak hotu. Nune’e mos kada diresaun aprezenta planu no programa sira ba tinan 2015, inkluindu hato’o esperansa no rekomendasaun sira.
Servisu nain CAC ho antusiasmu boot no pro-ativu partisipa iha sorumutu annual ne’e iha ambiente diskusaun konstrutivu ba instituisaun CAC nian progresu diak.
Reflesaun Annual ida ne’e ba Dalima ona ba instituisaun CAC ne’ebé estabelese iha Fevereiru tinan 2010 atu avalia performansia servisu kada diresaun hotu. (*)

Permanent link to this article: http://cac.tl/2014/12/cac-halao-reflesaun-annual-iha-maubara/

Home
Account
Cart
Search