Featured Stories

Parlamentu Hili Dr. Adérito Tilman Sai Komisáriu CAC Foun

by

Dili – Commissão Anti Corrupção (CAC) ho haksolok wai’n anunsia ofisialmente katak Parlamenru Nasionál (PN) eleitu ona Dr. Adérito António Pinto Tilman nudar Komisáriu foun.

Senhor Adérito Tilman eleitu ho 44 votus, maioria absoluta husi Parlamentu Nasional iha loron Tersa-feira (15/7) loraik, ba mandatu tinan hat ba oin.

Komisáriu Segundu Mandate (2014-2017), CAC sei focus ba hasa’e no haforsa sensibilizasau públiku nian atu hametin integridade etika no profesionalizmu servisu públiku no komunidade.

CAC sei kontinua atu hasa’e kapasidade institusional nian hodi aumenta tekniku spesializasaun iha area investigasaun no prevensaun nian. CAC mos iha komitmentu atu servisu diak ho Prokurador Jeral Repúblika (PGR), governu, orgaun soberanu, media, parseiru sosiedade civil. CAC mos firmi ho komitmentu boot atu halao dezenvolvementu ho efisiente.

Nudar eis Juiz no Prokurador, Dr. Adérito Tilman hanesan individu ideal ne’ebé sei lori komisaun ba oin atu atinji objetivu estratejiku komisaun nian no kontinua tau importansia ba esforsu luta kontra korrupsaun.

Komisáriu Adérito Tilman moris loron 9 fulan Dezembru 1973 iha Bobonaro. Mr. Tilman graduadu husi Fakuldade Direitu Universitas Diponegoro (UNDIP) Semarang, Indonesia iha tinan 1999.

Komisáriu Adérito Tilman nian esperiensia professional; tinan 2000-2005 nudar Juiz Tribunal Distrital Dili nomeia husi Admonistrador UNTAET matebian Sergio Vieira de Mello, Nomeia ba Chefe Prokurador Republika Distrital Dili iha tinan 2006-2011, Transfere ba Chefe Prokurador Republika Distrital Baucau iha tinan 2011-2014. Dosente fakuldade direitu iha UNDIL no UNPAZ no tinan 2006-2009 sai membru board ba avaliasaun PNTL.

Iha tinan 2004, nia mos kompleta nian treinamentu hanesan judisiariu majistratira iha Sentru Treinamentu Judisiariu iha Lisboa Portugal no iha tinan 2005 halao kontinuasaun treinamentu judisiariu nian iha Dili.

Dr. Tilman partisipa iha various konferensia iha rai liur ho topiku relevante ba CAC nian servisu – inkluindu brakamentu kapitais, metodu investigasaun krimi finanseiru, krimi korrupsaun no aprovizionamentu publiku.

Hafoin votasaun iha plenaria PN Tersa loraik, Dr. Adérito Tilman hetan kedas posse husi Prezidenti PN Vicenti Guterres. Nune’e mos nia sei hili nia komisáriu adjuntu iha tempu badak nia laran.

Komisáriu foun sei hasoru malu ho Senior Management CAC nia hodi fo esplikasaun kona-ba nia knar hafoin simu pose kona-ba aktividade no programas komisaun nian ho nia prioridades servisu tomak.

Staff CAC tomak dala ida tan hato’o gratidaun ba eis-komisáriu Adérito de Jesus Soares ba nia lideransa durante primeiru mandate, no espera nia bele kontinua nia estudu PhD iha Australian National University (ANU) Canberra ho diak hodi fila mai kontribui nian matenek ba povu no nasaun TL nia diak. (*)

Previous postCAC Deputy Commissioner of Prevention, Manuel Bucar today (1/7) delivered a paper entitled “Prevention Corruption Strategies” at a leadership training to Chiefs of Departments of line ministries at the National Institute of Public Administration (INAP), Comoro, Dili. 27 people participated in the training course. Next postMensajen Komisáriu CAC Foun Tilman: Mai Ita Servisu Hamutuk Kontra Korrupsaun

Popular

Parlamentu Hili Dr. Adérito Tilman Sai Komisáriu CAC Foun