Featured Stories

Utilizasaun Rekursu Estadu; Perspetiva Responsabilidade

by

“Ita rasik mak responsabiliza ba dezenvolvimentu ita nian Nasaun no Salva Guarda Rikusoi ba moris diak povu nian.”

Dala wain Comissão Anti-Corupção (CAC) halao seminariu, ka ba distritu ida husi distritus 13 iha Timor-Leste, ida ne’e mak CAC nian mensajen.

CAC hakarak official governu no funsionariu públiku atu iha espiritu nasionalizmu no patriotizmu foun ida iha era Timor-Leste independente, atu servi povu ho honestidade, akuntabilidade no transparansia. Tamba ne’e mak CAC halao seminariu lubun balun iha teritoriu tomak, halibur ema hamutuk nain 31.00 ne’ebé barak liu envolve funsionariu públiku.

Maibe sa esensia mak espiritu nasionalizmu ho patriotizmu foun iha kontekstu anto-korrupsaun?

Ne’e katak responsabilidade husi funsionariu públiku atu la uza sira nian pozisaun – tantu nudar ministru ida, direitur jeral ida, manajer ka official approvizionamentu ida – ba benefisia sira an rasik, sira nian familia no ema seluk.

Funsionariu públiku halao papel importante hodi maneija rikusoi Estadu.  Sira nian area responsabilidade boot wain hodi maneija return husi rekursus naturais, atu determina nesesidade edukasaional ba ita nian oan sira, oferese uma no ambiente seguru ba povu sira ne’ebé presija.

Iha halao sira nian servisu, funsionariu públiku iha responsabilidade moral atu implementa mehi ita nian heroe sira – ne’ebé mate durante ita nian luta ba libertasaun nasional kontra kolonializmu no okupasaun military estranjeiru – la ho korrupsaun.

Espetativa povu nian mak funsionariu públiku utiliza rikusoi Estadu ho responsabilidade no komunidade sei kondena wainhira sira utiliza patrimoniu Estadu ba sira nia an rasik, familia no sira nian grupu. Maibe, laos komunidade deit mak sei kondena aktu korrupsaun.

Survey ida ne’ebé halao husi CAC ba funsionariu públiku liu 1.400 tinan kotuk hatudu malorek tebes katak servisu públiku hakarak hadian  no iha mudansa ba komunidade Timor oan sira nian diak. kuaze funsionariu públiku hetan intervista hotu ho nakloke no hakarak hetan treinamentu ka edukasaun kona-ba tekniku prevensaun anti-korrupsaun.

Survey ne’e hetan no relata iha naksalak barak mak presija hadian, hametin prevensaun, hadian prosesu tenderizasaun, hasa’e konsiensia kona-ba standarte konduta no eleva kondisaun servisu.

Survey ida ne’e tulun inform aba CAC nian treinamentu tinan ne’e, hanesan CAC buka hela atu tulun funsionariu públiku atu pratika tekniku manajementu diak ho transparansia. Toma konta ba mudansa institusional ida laos servisu fasil, maibe CAC fiar metin katak funsionariu públiku loron ida sei atinji.

Atu suporta servisu CAC nian ba servisu públiku, CAC liu husi nian “manu-ain” sira mos koalia ho veteran sira, seitor privadu, ONG, no lider komunitariu kona-ba oinsa sira bele halo parte tuir sira nian parte ba kontra korrupsaun iha sira nian moris loron-loron.

Prevene korrupsaun no promove governasaun diak no mo’os, sei tulun lori prosperiedade ba povu no, espera iha future bele lori Estrada diak, asesu diak ba be mo’os, edukasaun diak ba ita nian oan sira no hasai ita Timor oan sira husi kiak no mukit.

Servisu ema idak-idak nian iha nasaun ne’e mak posibiliza prosperiedade Timor-Leste atu moris buras diak no labele fo fatin ba fini Korrupsaun, Kolusaun no Nepotizmu (KKN) falun ita.

Dala ruma ita hanoin fasil liu atu ita la halo buat ida no kontinua lao iha dalan ida hanesan, no esforsu atu responsabiliza no halo buat ruma ne’ebé los. Maibe, wainhira to’o iha korrupsaun ita labele foti mentalidade ne’ebé hanesan.

Nune’e, iha dalan rua ba future Timor-Leste: ida povu (kiak) la asesu ba nesesidade baziku tamba korrupsaun, no ida iha ne’ebé ita kontra korrupsaun atu suporta prosperiedade. Dalan responsabilidade ida ne’ebé mak ita boot (nudar Timor oan) hili? (*)

Previous postFour Years of CAC’s Dedication; Challenges And Successes Next postEduka Atu Kuda Onestidade Iha Ita Nian Lideransa Futuru

Popular

Utilizasaun Rekursu Estadu; Perspetiva Responsabilidade