Featured Stories

CAC Tulun Seitór Privadu Involve Iha Luta Kontra Korrupsaun

by

Maliana – Emprezariu lokal besik 100 iha Distritu Viqueque no Bobonaro estuda kona-ba badaen foun hodi prevene korrupsaun ne’ebé sei tulun sira atu halo parte importante ba luta kontra korrupsaun iha Timor-Leste.

Emprezarius lokal, membru Camara Commercio e Industria Timor-Leste (CCI-TL) atende workshops ne’ebé organiza husi Comissão Anti-Corrupção (CAC), ho orador uniku, Diretor Prevensaun Abrão Jose Freitas.

Workshops  ne’ebé halao iha distritu rua diferente ne’e ho topiku “Papel Setór Privadu ba Fortifikasaun Dezenvolvimentu Nasionál: Kontestu Prevensaun Korrupsaun” realiza iha edifisiu Administrador Distritu Viqueque iha loron Kinta-feira (8/5) semana kotuk no Distritu Bobonaro Kinta-feira (15/5) ohin.

Diretor Prevensaun Abrão Jose Freitas hateten objetivu husi workshops ne’e atu fo koñesementu ba setór privadu oinsa emprezariu sira nian papel ba prevene no kombate korrupsaun. Ida ne’e konsistente ho Planu Prevensaun CAC ba tinan 2014-15 nian, iha ne’ebé fokus liu iha area prioridade hat inklui Aprovizionamentu. Areas prioridade tolu seluk mak Desentralizasaun Poder Governu, Alfandega, no Vontade Politiku.

Workshops ne’e CAC atu ajuda informa ba emprezariu sira kona-ba sira nian papel ba prevene no kombate korrupsaun inklui estabelese no reforsa métodu ne’ebé efikaz iha servisu seitor privadu sira nian hanesan prosesu aprovizionamentu, BoQ no Dezeñu projjeitus hodi minimiza risku korrupsaun.

“Ita iha ne’e liu husi workshops atu informa ba sira oin sa tuir projeitu liu husi dalan mos no transparante ho dignu hanesan parte esforsu koletivu ba prevene no kombate korrupsaun” Katak Diretor Abrão Freitas.

Emprezarius lokal iha distritus Viqueque no Bobonaro ho antusiasmu boot partisipa ativamente durante workshop ne’e to’o nian rohan. Emprezariu sira mos rekomenda atu estabelese CAC nian edifisiu iha Distritu rua ne’e hodi monitoriza sedu prosesu selesaun ba projeitu Estadu, atu asegura kompanha lokal sira hetan projeitu ho obyektif bazeia ba sira nian kapasidade.

CAC firmi fiar metin ba Timor oan hotu – tantu sira lider komunitariu, husi seitor privadu ka governu, ou elementus públiku – tenki involve iha kombate korrupsaun iha Timor-Leste. Ami sei kontinua halao workshops hanesan ho seitor privadu iha tinan tomak. (*)

Previous postKomisáriu Interinu Bucar Sai Orador Workshop Iha SEJD Next postEkipa Comissão Anti-Corrupção (CAC) lidera husi Sekretariu Executivu Alexandre Freitas iha loron Segunda-feira (12/5) halao Diskusaun Integridade ho servidor Estadu sira iha Distritu Lautem no kontinua ho diskusaun hanesan iha loron Kuarta-feira (15/5) iha Distritu Baucau. Topiku Jeral ba diskusaun mak “Diskusaun Grupu Tematika Integridade Servidor Públiku iha Timor-Leste”. Diretor Distritais linha Ministeriais iha distritus rua ne’e hamutuk kuaze nain 70 partisipa diskusaun ne’e iha Aula Administrasaun Lautem no Baucau.

Popular

CAC Tulun Seitór Privadu Involve Iha Luta Kontra Korrupsaun