Featured Stories

CAC Lidera Ekipa Peritus TL Ba Halao Revizaun Implementasaun Konvensaun UNCAC Iha Angola

by

Dili – Komisáriu Adjuntu Comissão Anti-Corrupção (CAC), José Antonio de Jesus das Neves lidera enkountru regular ekipa peritus TL nian ba Daha’at atu ba halao avaliasaun relatoriu auto-avaliasaun ba Implementasaun Konvensaun ONU nian Kontra Korrupsaun (UNCAC) – Angola iha Salaun Enkountru CAC Farol, Dili Kuarta-feira (16/4) horseik.

Membru ekipa peritus TL nian ne’e kompostu husi Ministeriu Justisa, Ministeriu Negosoiu Estranjeiru e Kooperasaun (MNEC) no Prezidensia Counselho Ministru. Membru ida-ida sira sei ba estuda materias ne’ebé mak fahe tiha ona tamba ekipa peritus TL atu ba halao avaliasaun bazeia ba kapitulu III Konvensaun UNCAC nian.

Ekipa peritus TL nian sei halo fali analisa ba respostas sira mai husi Angola hodi ekipa bele halo komparasaun ba UNCAC nian artigus seluk mak iha nune’e bele husu ba membrus nasaun seluk atu kumpri.

Komisáriu Adjuntu José Neves mos hateten avaliasaun husi Angola ba implementasaun UNCAC nian sei finalize iha tempu badak. Atu kompleta revizaun ba dokumentus , TL sei kontinua komunika no servisu besik liu ho Angola ho United Nations Office on Drugs and Crime (UNODC) atu rekolha informasaun liu husi relatoriu no dokumentus sira ne’ebé mak molok ne’e entrega ona iha sira nian relatoriu.

Ekipa peritus sira sei halibur malu hikas iha loron 25 Fulan Abril atu finaliza TL nian obrigasaun internasional atu halo avaliasaun ba Angola nian implementasaun UNCAC, hanesan TL nian komitmentu forte ba nian obrigasaun internasional.

Iha enkountru ne’e ekipa peritus TL koalia mos kona-ba auto-avaliasaun tuir mai ba Nauro nian ne’ebé TL sei  nafatin ho ekipa peritus no material hanesan tuir UNCAC nian mekanizmu revizaun.

“Ita antisipa iha Fulan Maiu tinan ne’e, ekipa peritus Timor-Leste nian bele haruka on aba Vienna atu hamutuk ho grupu revizaun implementasaun UNCAC, no tuir mai bele halao ona country visit ba Angola,” Katak Adjuntu Neves.

“Ita mos nakloke ba feedback husi Angola tuir sira nian kontekstu,” Katak Komisáriu Adjuntu Neves.

Timor-Leste nian primeiru revizaun finalize iha tinan 2012, no halao revizaun ba dokumentus no vizita husi nasaun-nasaun sira hanesan Namibia no Fiji. (*)

Previous post200 UNTL University Students Participate in CAC Seminar Next postCAC Halo Audensia Ho Prezidenti Parlamentu Nasional

Popular

CAC Lidera Ekipa Peritus TL Ba Halao Revizaun Implementasaun Konvensaun UNCAC Iha Angola