Featured Stories

CAC Atende Diskusaun Ho Komisaun A PN Kona-ba Amandamentu Artigu 12

by

Dili – Komisáriu Adjuntus Comissão Anti Corrupção (CAC), Jose “Samala-Rua” Neves lidera ekipa CAC halo diskusaun ho Komisáun A Parlamentu Nasionál kona-ba proposta amandamentu lei kriasaun CAC artigu 12 kona-ba nomeasaun Komisáriu Adjuntu sira ne’ebé bankada governu iha PN, CNRT, Frente Mudança no Partidu Demokratiku mak proposta iha salaun enkountru komisaun A PN.

Komisáriu Adjuntu Neves akompanhadu husi Komisáriu Adjuntu Manuel Bucar Corte Real, asesor senior CAC Leonor Furtdao no Rui Manuel Oliva hamutuk ho tekniku CAC nian ohin ba

Prezidenti Komisaun A PN, Carmelita Moniz ne’ebé lidera diskusaun loron ohin hateten Komisaun A hanesan parte prosesu konsultasaun ho Prokurador Jeral, Ministru Justisa no ohin ho instituisaun CAC kona-ba proposta alterasaun artigu 12 nune’e bele iha harmoizasaun servisu entre CAC ho Ministeriu Públiku.

Esplikasaun husi Adjuntu Neves ba proposta ne’e ba deputadus sira mak Komisáriu CAC iha poder tomak hodi hili komisáriu adjuntu CAC nain tolu. Komisáriu bele hili komisáriu adjuntu CAC nain ida mai husi majistradu Ministeriu Públiku nian maibe laos indika husi Prokurador Jeral hanesan proposta primeiru alterasaun ba artigu 12 husi bankada governu iha PN.

“Se obrigatoriu komisáriu adjuntu CAC nain ida tenki indika husi Prokurador Jeral bele fo impresaun katak iha dependensia ba Ministeru Públiku no hafraku Komisáriu nia kompetensia atu hili Komisariu Adjuntu” katak Adjuntu Neves.

Durante audiensia deputadus sira hato’o sira nian kritikus konstrutivu atu hadian CAC nian kualidade investigasaun. Deputadus sira enkoraja CAC atu konsidera kritikas hanesan dezafius ba CAC atu kontinua servisu nafatin ho didikasaun diak ne’ebe CAC halo tiha ona durante ne’e ba povu no Nasaun Timor-Leste nian diak iha area prevene no kombate korrupsaun.

“CAC halo parte importante katak CAC mos sei fo buat ruma ba rai no povu ida ne’e ho responsabilidade ne’ebe PN tula ba iha imi nian leten,” Katak proponente alterasaun artigu 12, Deputadu Natalino dos Santos.

Komisaun A PN sei halo konsultasaun no diskusaun kona-ba alterasaun artigu 12 ho instituisaun relevante hanesan MP, Ministeriu Justisa no entidade seluk molok lori ba plenaria PN atu halo votasaun. (*)

Previous postCAC Meet With President Of The National Parliament Next postLider Komunitariu-Estudantes Becora Nain 60 Resin Partisipa Seminariu CAC

Popular

CAC Atende Diskusaun Ho Komisaun A PN Kona-ba Amandamentu Artigu 12