Featured Stories

Ekipa Trabalhu Hasoru Malu Hodi Finaliza Projeitu Lei Deklarasaun Rikusoin

by

Dili – Iha loron Kuarta-feira (12/4), Komisáriu Adjuntu Comissão Anti-Corrupção (CAC), Manuel Bucar halao sorumutu ho reprezentante instituisaun Estadu seluk iha Parlamentu Nasional (PN) iha Sala Konferénsia PN nia horseik, atu finalize Projeitu Lei Deklarasaun Rikusoin.

Ekipa Trabalhu ba Projeitu esbosu Lei Deklarasaun Rikusoin nian kompostu husi CAC, Komisaun A PN, Inspesaun Jerál Estadu (IGE), Prokuradoria Jerál Repúblika (PGR) no Provedor de Direitus Humanu e Justisa (PDHJ), Sekretariu Estadu ba Asuntu Parlamentar.

Sorumutu ne’e nudar kontinuasaun husi konsultasaun workshops serial ne’ebe CAC halao tiha ona durante tinan 2012-2013 liu ba iha diskusaun meza redonda ho instituisaun Estadu nian. Iha loron 16 fulan Maiu 2013, Ekipa Trabalhu forma ekipa tekniku CAC-PN hodi elabora projeitu Lei Deklarasaun Rikusoin ne’e no sira konsege finalize iha fulan Janeiru 2014. http://tetum.cac.tl/2013/05/cac-komisaun-a-pn-forma-ekipa-trabalho-ba-diskusaun-projetu-lei-deklarasaun-rikusoin/

Asesor CAC nian Dr. Rui Oliva Neves da Silva esplika detalha ba membru Ekipa Trabalhu durante sorumutu horseik kona-ba projeitu Lei Deklarasaun Rikusoin. Komisariu Adjuntu Manuel Bucar hateten lei ne’ebe finalize ona ne’e sei aprezenta ba plenaria parlamentu Nasional, no lei ne’e mak pasa sei tulun tebes hodi prevene krimi korrupsaun iha Timor-Leste.

Partisipa iha sorumutu ne’e mak Komisáriu Adjuntu CAC Manuel Bucar, Adjunta Prokuradora Jeral da Republika Zelia Trindade, Adjuntu PDHJ ba boa-governasaun Rui dos Santos, Inspeitor Geral do Estadu, Francisco Carvalho, Sekretaria Estadu ba Asuntu Parlamentar, Maria Terezinha Viegas, Prezidenti Komisaun A PN, Carmelita Moniz ho deputadus sira no ekipa tekniku CAC-PN. (*)

Previous postCommissioner Soares Presents 2013 Annual Report to National Parliament Next postLoron Tersa-feira (18/3), Komisáriu Comissão Anti-Corrupção (CAC), Adérito de Jesus Soares no reprezentante Kompanha Image, Design & Architecture (IDA) Lda, Tania B. Correia asina akordu hodi halo dezeñu no BOQ (Bill of Quantity ) ho total orsamentu US$ 233.600 ba konstrusaun eskritóriu foun CAC nian ne’ebe halao iha edifisiu Farol, Dili.

Popular

Ekipa Trabalhu Hasoru Malu Hodi Finaliza Projeitu Lei Deklarasaun Rikusoin