Featured Stories

CAC Simu Manuál Formasaun No Sertifikadu Husi FOTI Timor-Leste

by

Dili – Ohin Segunda-feira (24/2) Comissão Anti Corrupção (CAC), liuhosi kooperasaun ho Millennium Challenges Corporation-United States Agency for International Development (MCC/USAID), Programa Fostering Transparency Initiative (FOTI) Timor-Leste (TL) lansa manuál rua kona-ba prevensaun korrupsaun iha TL:  Módulu sira ba Formasaun: Konseitu no Abilidade iha Prevensaun Korrupsaun and Manuál ba Formasaun: Abilidade iha Prevensaun Korrupsaun ba Aprovizionamentu Setór Públiku nian.

Manuál sira ne’e sai nu’udar fonte husi evidénsia kona-ba oinsá atu jere risku korrupsaun, hanesan konflitu interese no área sensitivu sira iha aprovizionamentu, no sei uza mós atu fó treinamentu ba  funsionáriu públiku sira iha governu, organizasaun sosiedade sivíl sira no setór privadu.

Manuál ida foka liu kona-ba prenve korrupsaun iha aprovizionamentu, no manuál ida seluk foka kona-ba aspéitu husi jestaun risku ba korrupsaun nian. Manuál sira ne’e 100% iha lian Tetun no halo ona teste ka provasaun no dezenvolve liu hosi kooperasaun hamutuk ho funsionáriu sira husi Diresaun Prevensaun CAC nian.

Funsionáriu husi Diresaun Prevensaun CAC nian sei uza manuál sira ne’e hodi halo treinamentu ba jestór no funsionáriu públiku sira, no ida ne’e sai nu’udar fonte ba evidénsia hodi redús risku korrupsaun iha lina ministériu sira.

Iha seremonia badak loron ohin nian, Sr. Eduardo Flores-Trejo, nu’udár Diretór Programa FOTI TL, no Michael Nest, nu’udár Asesór Internsionál, entrega manuál sira ne’e ba Sr. Aderito Soares, Komisáriu CAC nian.

Ohin mós, Komisáriu Soares no John Seong, Diretór husi USAID Timor-Leste, sei distribui sertifikadu sira ba funsionáriu CAC nian ne’ebé partisipa ona iha workhop loron rua nian ne’ebé hetan apoiu finanseiru husi FOTI TL. Workhop ne’e foka kona-ba oinsá atu halo investigasaun no prevenensaun ba korrupsaun iha aprovizionamentu tanba aprovizionamentu mak área ne’ebé importante liu husi despeza públika iha TL.

Eventu ida ne’e mós marka ona “Forum Mensal Dahuluk CAC nian”, ne’ebé aprezenta husi funsionáriu sira husi diresaun prevensaun nian. Forum ida ne’e ho nia objetivu atu konvida peritu no espesialista sira iha anti-korrupsaun hodi diskuti kestaun oioin kona-ba korrupsaun no maneira oinsá atu kombate. (*)

Previous postComissão Anti Corrupção (CAC) commemorates its 4th anniversary with a half-day round table discussion Next postEkipa Estatal Divulga Lei Municipios Ba

Popular

CAC Simu Manuál Formasaun No Sertifikadu Husi FOTI Timor-Leste