Featured Stories

CAC Komemora Aniversario Ba Daha’at Ho Seminario

by

Dili – Loron 22 Fevereiro kada tinan nudar loron estabelementu Comissão Anti Corrupção (CAC) no tinan ne’e CAC komemora aniversario ba Daha’at iha loron Sesta-feira (21/2) ho Diskusaun Meja Redonda nebe halibur matenek nain sira hanesan reitor UNTL, UNDIL, UNPAZ, DIT nebe fo sira nian apresiasaun no kritika husi perspetiva akademiku ho tema “Integridade Hanesan Xave Ba Luta Kontra Korrupsaun” nebe halao iha Salaun Konferensia Timor Plaza, Dili.

Sai oradores importante iha Diskusaun Meja Redonda loron sorin ne’e mak Komisariu Adérito de Jesus, Prezidenti Comissão Função Pública (CFP), Liborio Pereira, Françisco Miranda Branco husi Global Organization of Parliamentarians Against Corruption (GOPAC), Prezidenti Komisaun A PN Carmelita Moniz, Padre Mouzinho Lopes no Komisáriu Adjuntu José Antonio das Neves sei aprezenta rezultadu Survey Integridade Públiku partisipa husi direitur Jeral kada ministeriu.

Objetivu husi diskusaun meja redonda loron sorin ne’e atu halibur hanoin husi parte oin-oin atu hametin integridade pessoal no instituisaun hodi sai mata dalan ba governasaun ida ne’ebe diak ba dezenvolvimentu nasional no sai hanesan nukleu ba hanoin kritiku husi entiddes tomak iha esforsu koletivu ba luta kontra korrupsaun no tane a’as valores boa governasaun iha nasaun joven Timor-Leste.

Tema aniversario CAC nian ba Daha’at iha loron 22 Fevereiro 2014 nian ne’e hanesan reflesaun ida ba entidades hotu hodi fo’o hanoin positive no hafanun nafatin konsiensia publiku nian ba luta kontra korrupsaun. Envolve mos servidor publiku senior sira iha diskusaun ne’e tamba jerente Estadu nudar ajente xavi no ba mudansas ho responsabilidade moral hodi tane a’as valores transparensia no akuntabilidade iha servisu fatin loron-loron. (*)

Previous postCAC Conducts Wall Newspaper Competition to Secondary Schools Next postAnti Corrupção (CAC) selebra aniversario CAC nian ba Daha’at ho Diskusaun Meja Redonda

Popular

CAC Komemora Aniversario Ba Daha’at Ho Seminario