Featured Stories

Konferensia Lori Ajensia Anti-Korrupsaun Husi Nasaun 30 Mai TL

by

Dili, 22/07/2013 — Comissào Anti-Corrupçào (CAC) aban Tersa
(23/7) loron ba dahuluk sai uma na’in ba konferensia international ADB/OECD
Anti-Corruption Initiative for Asia and the Pacific nian ne’ebe halao
tinan-tinan. Konferensia sei halao durante loron tolu, 23-25 Jullu iha otel
Timor Plaza, Dili. Molok konferensia ne’e, iha loron Tersa sei iha sorumutu
ba-dala 18 Steering Meeting Group
husi Membru Inisiativa ida ne’e.

Konferensia ne’e sei
focus koalia kona-ba protesaun ba whistleblower sira no hametin ajensia
anti-korrupsaun – isu sentral mak koalia kona-ba CAC nian misaun ba tempu naruk
no maluk ajensia anti-korrupsaun sira seluk iha mundo.

Partisipantes nain 60
husi nasaun 30 iha rejiaun Asia-Pasifika sei partisipa konferensia ne’e, eventu
internasional anti-korrupsaun ba dahuluk ne’ebe halao iha Timor-Leste.

Konferensia ne’e hetan
suporta husi the Asian Development Bank no the Organization for Economic
Co-operation and Development (OECD).

Komisáriu CAC, Adérito
de Jesus hateten; “Konferensia ne’e hanesan vota konfiansa ida ba CAC”.

“Ida ne’e hatudu katak
komunidade internasional rekonhese ita nia komitmentu ba luta kontra
korrupsaun,” Katak nia.

“Konferensia ne’e
hatudu mai ita (Timor oan) hotu ho mudansa ida atu estuda esperiensia ba malu”.

“Susar ba ita atu luta
hasoru korrupsaun ho ita nian fronteira (kbi’it) mesak deit. Kooperasaun
internasional hanesan xavi ida lolos atu kombate korrupsaun hakat liu
fronteira,” katak Komisáriu Adérito.

Inisiativa
Anti-Korrupsaun ba Asia no Pasifika estabele iha tinan 1999 liu ba. Inisiativa
ida ne’e fo suporta ba governu sira iha rejiaun Asia-Pasifika ba luta kontra
korrupsaun. Konferensia annual ba dala ikus iha Vietname, Timor-Leste
unanimidade simu sai membru iha fulan Augustu 2012. (*)

Previous postAvizu prolonga loron ba Kotasaun Next postComissào Anti-Corrupçào (CAC) kolabora hamutuk ho Camara Comérçio Industria (CCI) realize workshop loron sorin ho topiku; “Prevenir a Corrupçào no Sentido de Melhorar o Ambiente Empresarial” iha Salaun Apuramentu Nasionál CNE, loron Tersa (30/7). iha Caicoli Dili.

Popular

Konferensia Lori Ajensia Anti-Korrupsaun Husi Nasaun 30 Mai TL