Featured Stories

Funsionárius Linhas-Ministérias Simu Matéria kona-ba Anti-Korroupsaun

by

Dili, 3/09/2012Iha Sexta liu ba, Komisáriu Adjuntu ba Asuntu Prevensaun Manuel C.C. Bucar C. Real aprezenta matéria kona-ba anti-korrupsaun liu husi aspeitu prevensaun, edukasaun kampaña no peskiza ba funsionárius linhas-ministérias hitu. Aprezentasaun ne’e halo iha Instituto Nacional da Administracao Pública (INAP, Comoro, Dili durante sorumutu ba Formasaun Esensial Oitavo Faze ba Funsionáriu Públiku sira Grau C no D periúdu 2012.

Iha nia intervensaun ba funsionáriu sira, Komisáriu Adjuntu Bucar koalia kona-ba fatores integridade no profesionalismu iha papel halo prevensaun ba korrupsaun.  ”Prevene korrupsaun, husi perspetiva moral no mantein konsiderasaun ba atuasaun funsionáriu estadu iha dimensaun ambiente servisu nia laran, funsionáriu estadu sira tenki iha integridade, profisionalismu, ukun ho didiak, hakruk ba justisa hodi rejeita korrupsaun hanesan subornu, pekulatu ka hanoin ba sasan estadu nian, abuzu de poder, nepotismu, ka seluk tan,” tenik Komisáriu Adjuntu.  

Alem-de koalia kona-ba papel CAC nian, Komisáriu Adjuntu Bucar mos fahe materia kona-ba reseitas husi minarai nian nebé depózitu iha Banku Rezerva Nove Iorke (Reserve Bank of New York) Estadus Unidus Amerika no transferensia fundus petrolíferu nian ba orsamentu estadu (OGE) realiza durante ne’e. Estatistikamente, OGE kada tinan-tinan ho despeza bo’ot tebes. Oras ne’e, Estadu Timor-Leste gasta ona bilioens lima resin mak husi fundus minarai nian.

Formasaun ne’e hetan partisipasaun funsináriu públiku sira husi Ministériu Agrikultura no Peskas (MAP), Ministériu ESTATAL (MAE), Ministériu Komérsiu Indústria (MCI), Obras Públika, Siguransa (SES), SEFOPE, Sekretáriu Estadu Juventude no Desportu (SEJD), Ministériu Siguransa Sosial (MSS) no Ministíriu Edukasaun (MED).

Previous postInvestigadores Foun Lima Ramata Kursu no Simu Tomada-de-Pose Ohin Next postCAC Holds First Meeting with Committee A of the National Parliament

Popular

Funsionárius Linhas-Ministérias Simu Matéria kona-ba Anti-Korroupsaun