Featured Stories

Sorumutu Koordenasaun entre Dirijente Altu CAC no CFP

by

Dili, 14/08/2012— Horiseik dader, Dirijente Altu Komisaun Anti-Korrupsaun (CAC) partisipa iha sorumutu ida nebe Komisaun Funsaun Públika (CFP) organiza. Objektivu husi sorumutu ne’e atu troka hanoin no vizaun ruma kona-ba oinsa atu prevene no kombate korrupsaun iha funsaun públiku no oinsa atu hametin koordenasaun servisu entre Instituisaun rua ne’e iha área administrasaun. Iha sorumutu durante oras rua iha Salaun inkontru CFP ne’e, parte tim CAC lidera husi Komisáriu Adérito de Jesus Soares no parte tim CFP lidera husi Komisáriu Libório Pereira.

Sorumutu amizade ne’e hanesan parte ida husi inkontru regular entre Ofisiais Altu husi CAC no CFP. Komisaun rua ne’e servisu hamutuk iha área jestaun rekursu umanus hahu kedas wainhira CAC harii, liu-liu relasiona ho rekrutamentu funsionáriu públiku ba pozisaun lubuk ida iha CAC. Iha sorumutu ne’e, Komisáriu CAC esplika konaba progresu no dezafius nebe CAC hasoru iha prosesu hari instituisaun, nebe kapasidade rekursu umanus, evaluasaun ba dezenpenñu, étiku servisu sai hanesan fatores importante iha prosesu harii instituisaun estadu ho efetivu. Liu tan ida ne’e, Komisáriu CAC hatete katak tane aas integridade institusional ne’e importante tebes—buat hirak ne’e persija transparensia no akuntabilidade, profesionalismu, honestidade, lealdade no imparsialidade husi funsionáriu públiku sira. Husi parte Komisaun Funsaun Públiku nian, Komisáriu Liborio Pereira koalia kona-ba importansia husi implementasaun kona-ba kódigu prosesu disiplinaria funsaun públiku nian se karik iha funsionáriu públiku ruma komete hahalok la tuir regras nebe iha.

Molok taka, Komisáriu CAC espresa nia laran luak hodi konvida Dirijente Altu  CFP atu halo fali vizita mai CAC ho nia staff iha tempu besik mai atu fahe informasaun konaba servisu CFP nian, leis no prosedimentus nebe regula funsaun públiku sira. Ida ne’e importante tebes hanesan parte ida hodi promove komunikasaun efetivu enter instituisaun rua ne’e

Previous postKadete Foun PNTL Na’in 250 Tuir Aula kona-ba Anti-Korrupsaun Next postMr. Ajay Chhibber, UN Assitant Secretary-General and UNDP Assistant Administrator, Pays a Courtesy Visit to CAC

Popular

Sorumutu Koordenasaun entre Dirijente Altu CAC no CFP