Featured Stories

“Moris ho Honestidade”: Mensajem CAC ba Estudante Sira konaba Kombate Korrupsaun

by

Dili 04/07/2012– Ekipa Komisaun Anti-Korrupsaun (CAC) husi Diresaun Edukasaun, Kampaña no Peskiza (EKP) iha fulan Juñu foin lalais ne’e hala’o simináriu sosializasaun kona-ba papel CAC iha kombate korrupsaun ba estudantes ensinu báziku no sekundária besik rihun ida iha distritu tolu: Bobonaro, Aileu no Liquiça.

Semináriu ho tema “Hamutuk Ita Kombate Korrupsaun” ne’e hanesan esforsu ida atu tulun eduka jerasaun foin sa’e sira atu tane a’as espíritu honestidade iha sira nian moris loron-loron.

Iha nia aprezentasaun sirak ne’e, Diretór Interinu EKP Rosário de Araújo koalia kona-ba hahalok diak nebe refleta moris ho honestidade–hanesan: la’o tuir dalan los no hakru’uk ba lei hodi la monu ba tentasaun halo korrupsaun, evita a’an husi bosok inan-aman, edukador sira, no sosiedade iha sira nia moris lor-loron. Iha fatin hanesan, ofisiais EKP Almério Álvares Maria Barros hatutan ba estudante sira kona-ba atu hatoman a’an hodi promove kultura moe, tauk, no arepende wainhira estudante ida monu ba sala ruma.

Durante semináriu, estudante no edukador sira iha distritu tolu ne’e hatudu entuziasmu bo’ot hodi tuir no rona aprezentasaun sirak husi ekipa CAC. Iha sesaun perguntas, partisipante sira iha kuriosidade tebes hakarak atu hatene liu tan papel CAC nian iha esforsu kombate korrupsaun. Nunemos, estudante no edukador sira balu propoin atu CAC  bele estabelese nia iskritóriu iha distritu atu fasilita no habelar tan servisu kombate korrupsaun iha Timor-Leste.

Estudantes husi eskolas públiku no privadu ne’ebe tuir semináriu  sosializasaun CAC durante semana rua ne’e mai husi eskola Ensinu Báziku Suku Male-Ubu Bobonaro hamutuk 129, Pre-Sekundária no Sekundária Aileu Vila hamutuk 559 estudantes, no Liquiça hamutuk 265. (*)

Previous postEstudantes nivel ensinu baziku no nivel sekúndariu besik rihun ida husi distritus Bobonaro, Aileu, no Liquiça partisipa semináriu sosializasaun kona ba papel Komissaun Anti-Korrupsaun (CAC) nian iha kombate korrupsaun ho slogan “Hamutuk Ita Kombate Korrupsaun.” Next postCAC Senior Management is Briefed on Timor-Leste Public Financial Management

Popular

“Moris ho Honestidade”: Mensajem CAC ba Estudante Sira konaba Kombate Korrupsaun