Featured Stories

Komisáriu CAC Fila Hikas Mai Timor-Leste husi Estadus Unidus

by

Dili, 13/6/2012 –Komisáriu Komisaun Anti-Korrupsaun (CAC) Adérito de Jesus Soares to’o hikas iha Timor-Leste horiseik hafoin partisipa eventus importante rua iha Washington DC, Estadus Unidus Amerika.

Eventes rua ne’e mak konferensia international nebe organiza husi Banku Mundial nia International Corruption Hunters Alliance (ICHA) no formasaun konaba investigasaun finanseira internasional husi George Washinton University Law School hamutuk ho Stolen Asset Recovery (StAR).

Iha konferensia ne’e Komisáriu mos sai nudar orador  iha sesaun Sharing Strategies and Success Stories for Facing Challenges in International Anti-Corruption Effort, nebe Komisáriu koalia konaba esperiensia CAC nian iha luta hasoru korrupsaun.

Tuir Komisáriu, eventus rua ne’e importante no fo valor bo’ot tebes ba Timor-leste tamba fo oportunidade mai ita hodi fahe esperiensia balu konaba oinsa hari’I instituisaun hanesan CAC no ba ita atu halo networking ho organizasoens husi rai seluk nebe estabelese kleur ona no iha esperiensia barak ona iha servisu kombate korrupsaun.

Konferensia ICHA ne’e realiza hafoin iha tinan 2010 membru aliansa ICHA liu 250 hakotu lia hamutuk konaba asoens prioridade balu hanesan  estabelese asaun kriminarl hasoru ofisiais koruptu sira, buka tuir no lori-fila prosedimentus ilegal sira, fornese rekursu nebe nato’on no efektivu no fo informasaun mos atu prevene no funu hasoru korrupsaun, no oinsa atu monitoriza no publika resultadu investigativu nian sira.

Previous postCAC Hala’o Diskusaun ho no Halibur Informasaun husi MI no Iskola Sekundaria iha Dili Next postCAC-IGO Hold Half-Day Roundtable Discussion on Asset Declaration

Popular

Komisáriu CAC Fila Hikas Mai Timor-Leste husi Estadus Unidus