Featured Stories

Komisáriu CAC Sai Orador Prinsipal iha Sorumutu Reflesaun SEPI nian

by

Dili 29/06/2012 Iha sorumutu Sekretáriu Estadu Promosaun no Igualidade (SEPI) iha Kuarta-feira semana ne’e ho topiku “Reflesaun Tinan Lima Funsionáriu Tomak 2007-2012,” Komisáriu Komisaun Anti-Korrupsaun (CAC) Adérito de Jesus Soares sai nudar orador prinsipal. Iha sorumutu ne’e,  Komisáriu CAC foti pontus importante kona ba relasaun korrupsaun ho dezenvolvimentu  nomos papel CAC nian iha prosesu kombate korrupsaun. Sorumutu entre funsionáriu SEPI sira ne’e hala’o iha salaun sorumutu Jacinto Department Store, Kuluhun, Dili.

Komisáriu CAC afirma katak korrupsaun bele trava ka hamate mákina dezenvolvimentu nasaun ida nian no fo impaktu negativu ba prosesu dezenvolvimentu no harií nasaun ida nian. Nune’e, iha nia palestra, Komisáriu fo hanoin atu funsionariu públiku  sira nebe nudar mákina estadu nian  tenke halo esforsu hodi evita a’an husi prátika korrupsaun.

Komisáriu CAC mos aproveita tempu ne’e hodi esplika kona ba CAC nia papel iha prosesu kombate korrupsaun liu husi aspeitu prevensaun, edukasaun kampanha no peskiza, no mos investigasaun kriminal, ho objetivu atu hasa’e tan públiku nia konsiensia, liu-liu funsionáriu públiku sira nian, kona ba hahalok a’at korrupsaun. Alein de ne’e, Komisáriu mos koalia konaba tipu korupsaun mak oinsa no definisaun korupsaun ne’e maka saida.

Partisipante sira iha entuziasmu bo’ot hakarak atu hatene liu tan asuntus nebe Komisáriu CAC hato’o, liu-liu konaba oinsa defini aktu korupsaun ruma, tipu korupsaun nomos servisu CAC nian . Molok ramata, iha mos hanoin konstruktivu ida husi funsionárius SEPI nian hakarak atu hala’o sorumutu hanesan ho CAC iha tempu oin mai hodi haluan liu tan konhesimentu funsionárius sira nian kona hahalok at korrupsaun.

Iha sorumutu reflesaun funsionáriu SEPI nian ba loron ida ne’e partisipa husi Senhora Idelta Maria Rodrigues, Director Jeral ba diresaun Nasional Administrasaun Tomas da Silva, Inspetora no Auditória Maria Jose Sanches no funsionarius SEPI sira rasik.

Previous postEstudantes husi Universidade Vitoria Australia Vizita CAC Next postTimor-Leste’s Executive Summary of UNCAC Self Assessment Review Endorsed and Published

Popular

Komisáriu CAC Sai Orador Prinsipal iha Sorumutu Reflesaun SEPI nian