Featured Stories

CAC-IGE Organiza Diskusaun Meja Redonda Kona-ba Presta Riku-Soin

by

Dili, 20/6/12 – Komisaun Anti-Korrupsaun (CAC) servisu hamutuk ho Inspensaun Jeral Estadu (IGE) realiza diskusaun meza redonda ho tema “Prevene Korrupsaun Liu Husi Dalan Deklarasaun Riku-Soin” hamutuk ho partisipantes kuaze 40 resin husi minitérius tomak. Konferénsia loron-baluk ne’e hala’o horiseik iha Salaun Delta Nova, Dili, no loke husi Komisáriu CAC, Aderíto de Jesus Soares.

Objektivu husi diskusaun ne’e atu enkoraja públiku kona-ba polítika kombate korrupsaun no rekolha ideas husi funsionáriu públiku nivel direitur-jeral, inspektur, auditor, direitur nasional no xefe departamentu iha governu sira kona ba oinsa implementasaun lei No.7/2007 konaba Estatutu Titular Orgaun Soberanu. Nunemos, diskusaun ne’e atu promove transparansia, honestidade, integridade no responsabilidade iha administrasaun públiku hodi jere riku-soi estadu nian ho akuntabilidade ba povu nia diak no prosperiedade.

Pontus importante balu nebe diskuti iha konferénsia ne’e inklui persija atu establese instrumentu legal ida kona-ba deklarasaun riku-roin, persija estuda kle’an liu tan  Lei No. 7/2007 nebe mensiona konaba deklarasaun riku-soin, importante ba membrus politíku no governu foun mai atu halo deklarasaun riku-soi molok hala’o sira nia knaar.

Diskusaun Meja Redonda nebe aprezenta oradores na’in nen: Komisáriu Adjuntu CAC, Manuel Búcar, Inspector Jeral do Estadu Françisco Carvalho, Adjuntu Provedor Direitus Humanus (PDHJ) Rui Pereira, Juiza Tribunal Rekursu Maria Natérçia Gusmão, Reprezentante UNDP Rui Gomes, orador Independente Doutor Rui Maria de Araújo no Sekretariu Eksekutivu CAC, Alexander Freitas.

Diskusaun meza redonda konaba deklarasaun riku-soin ne’e hanesan pasu dala-uluk nebe CAC-IGE hala’o hamutuk ho funsionáriu públiku sira. Iha tempu oin mai, iha planu atu realiza hamutuk ho membrus partidus polítiku sira.

Previous postCAC Commissioner Returns Home from Washington Trip Next postCAC Team Pays a First Courtesy Visit to President TMR

Popular

CAC-IGE Organiza Diskusaun Meja Redonda Kona-ba Presta Riku-Soin