Featured Stories

Peritus halo Review ba Implementasaun UNCAC Atu Vizita Timor-Leste

by

Dili, 18/05/2012— Delegasaun ida ho peritus na’in hitu nebe halo review ba implementasaun Konvensaun Nasoens Unidas Kontra Korrupsaun (UNCAC) iha Timor-Leste, tuir kalendariu sei to’o iha Dili aban hodi halo vizita ofisial durante semana ida nia laran. Peritus na’in hitu ne’e mai husi  Estadu-Parte Namibia no Fiji no Sekretariadu Mekanismu Review  nian husi Vienna.

Delegasaun ne’e,  tuir programa atu halo sorumutu no diskusaun ho ofisias relevante husi governu, autoridades nebe implementa leis no sosiedade sivil konaba Timor-Leste nia relatóriu Auto-Avaliasaun ba implementasaun UNCAC iha Timor-Leste. Relatóriu ne’e foka ba asuntus penalizasaun no implementasaun lei no koperasaun internasional. Vizita ofisial ne’e sei hahu iha 21 to’o 25 de Maiu 2012.

Ofisiais relevante husi governu no sosiedade sivil nebe peritu sira sei halo sorumutu inkluindu Tribunal Rekursu, Komisaun C Parlamentu National, Ministériu Publiku, Ministeriu Justisa, Ministériu Negosius Estranjeiru, BankuSentral, Polisia Nasional Timor-Leste (JSMP), Provedoria Direitus Umanus (PDHJ), NGO Forum, JSMP, Luta Hamutuk no Foundasaun HAK. Timor-Leste nia relatoriu Auto-Avaliasaun entrega ona ba Parlamentu Nasional no Konseilhu Ministrus iha prinsipiu fulan ida ne’e.

Komisaun Anti-Korrupsaun (CAC) nudar pontu fokal reprezenta Governu Timor-Leste ba prosesu Auto-Avaliasaun ba implementasaun UNCAC iha Timor-Leste  sei akompanha delegasaun ne’e durante sira nia vizita ofisial. Vizita ne’e hanesan parte ida husi prosesu tomak husi Mekanismu Review nian hodi avalia kada Estadu-Parte nia esforsu iha prosesu implementasaun konvensaun UNCAC nian. Relatóriu final husi vizita ne’e iha espetativa atu identifika pratikas diak ruma no dezafiu sira nebe hasoru durante halo implementasaun no identifika asistensia teknika balu atu hasa’e tan kapasisdade iha funu hasoru korrupsaun.

Previous postCAC prepara Vizita Peritus CNUCC Next postUNCAC Review Experts End Five-Day Site Visit to Timor-Leste

Popular

Peritus halo Review ba Implementasaun UNCAC Atu Vizita Timor-Leste