Featured Stories

Komisariu CAC: “ Diretores Jeral Funsaun Publiku tenki Prevene Korrupsaun”.

by

Dili, 12/04/2012- Komisáriu Komisaun Anti-Korrupsaun (CAC) Adérito de Jesus Soares partisipa iha seminariu ne’ebe Komisaun Funsaun  Públiku (KFP) organiza. Seminario ne’e partisipa Diretores Jerais, Diretores Nasionais no Administradores distritu 13, iha loron Tersa semana ida ne’e iha salaun Novre Ministériu Negosiu Estranjeiru, Dili.

Iha Seminariu loron sorin ne’e koalia kona ba knar funsionáriu estadu nomos bolu sira nia atensaun kona ba disiplina funsionariu públiku nian ne’ebe relasiona ho funsionariu sira nia partisipasaun iha kampanha eleitoral katak tenki tuir regras despaxu ne’ebe KFP hasai. Regras ne’e hateten katak funsionáriu estadu labele abandona sira nia servisu iha loron servisu no tenki husu lisensa wainhira hala’o aktividade polítika.  Funsionáriu ne’ebe la kumpri sira nia dever sei hetan sansaun katak sei la iha vensimentu no kontinua ba prosesu investigasaun liu-tan.

Iha oportunidade ne’e, Komisáriu CAC Adérito nudar orador ba seminariu  ne’e koalia kona ba knar/papel CAC nian atu prevene no kombate korrupsaun. Komisáriu CAC apela ba diretores hotu, katak sira mos iha papel importante atu prevene korrupsaun iha sira nia fatin ida-idak. Inklui bele tau matan atu sira nia funsionáriu sira labele komete aktu da korrupsaun hanesan pekulato ka pekulato de uzu durante tempu kampanha.

Orador seluk ba seminariu ne’e inkluidu Adjuntu Provedor Direitus Humanus no Justisa Rui Pereira no Inspetur Jeral Estadu Fransisco de Carvalho.

Previous postDeputy Commissioner of the Anti -Corruption Commission José Neves addresses the law makers on UNCAC implementation in Timor-Leste. Next postLearning Session on Asset Declaration

Popular

Komisariu CAC: “ Diretores Jeral Funsaun Publiku tenki Prevene Korrupsaun”.