Dili—23/04/2012—Hahu loron 23 fulan Abril 2012, Commissaun Anti-Corrupsaun (CAC) Timor-Leste hamutuk ho Programa Nasoins Unidas ba Dezenvolvimentu (PNUD) hala’o formasaun loron tolu (3) hodi hametin abilidade funsionarius CAC nian iha utilizasaun Pakote Statistica ba Siensia Social (SPSS) hanesan tool ida hodi analiza dadus relevantes ba servisu Commissaun nian.

Partisipantes nebe sei tuir treinamentu ne’e inkluindu Mangement no funsionarius CAC nian, liu-liu funsionarius husi Diresaun Edukasaun, Kampanhe no Peskiza (DEKP).

Iha formasaun SPSS baziku ne’e, partisipante sira aprende materias balu hanesan istoria SPSS rasik, oinsa halo estrutura data, importa data husi excel, halo descriptive estatistika, data cleanig ka hamos data, no transformasun data, relasaun entre variables no prosesa output data.

Ho intervensaun dezenvolvimentu kapasidade ida ne’e, sei kontribui ba hametin no hasa’e kapasidade analitiku liu-liu konhesimentu no abilidade hodi utiliza tool SPSS nian ba funsionariu CAC, particularmente ba funsionariu DEKP nian durante hala’o peskiza, aprezenta dadus no halo analiza.

Formasaun loron baluk durante loron tolu ne’e sei remata iha loron 25 Abril 2012.