Featured Stories

Investigadores CAC Partisipa iha Formasaun konaba Krimi Finanseira

by

Investigadores husi Komisaun Anti-Korrupsaun (CAC) nain hat foin lalais ne’e kompleta ona formasaun konaba krimi finanseira iha Salaun Treinamentu Sao Paulo Comoro, Dili. Formasaun ne’e USAID Timor-Leste maka finansia hala’o durante loron hat nia laran kada sexta feira. Hamutuk partisipante liu 15 maka partisipa iha formasaun ne’e. Partisipante sira ne’e maka reprezentantes husi tribunal distrital hat, maioria prokuradores sira, PNTL, Banku Sentral, Ministeriu Publiku, Gabinete Inspetor Jeral no CAC.

Formasaun ne’e introduz konhesimentu oi-oin konaba oinsa atu analiza no revista numeru konta banku nian, dokumenta tranzaksaun elektroniku, dezenvolve investigasaun prinsipal no organiza evidensia tuir lei no prosedur sira iha Timor-Leste.

Tuir CAC nia investigador ida nebe partisipa iha formasaun ne’e hatete katak programa ne’e tulun loke sira nia konhesimentu no hadi’a tan sira nia kapasidade konaba asuntus no problema sira nebe relasiona ho krimi finanseira. Konhesimentu ne’e sei tulun sira nia servisu iha area investigasaun krimi finanseira efektivu liu tan. Nunemos, formasaun ne’e bele forma komunidade pratikantes ida atu servisu hamutuk oinsa atu rezolve krimi finanseira iha tempu oin mai.

CAC nudar insituisaun ida nebe fo importansia ba dezenvolvimentu kapasidade ka rekursus staff sira nian. Insitituisaun nebe foin halo tinan rua, hakarak atu promove no tau staff sira nebe kualifikadu no professional no bele produz servisu ho efektiviu liu tan. Oras ne’e CAC organiza hela formasaun lian Ingles ba staff sira. Programa formasaun lian Engles faze primeiru remata ona iha prinsipiu tinan ida ne’e.

Previous postKonferensia Imprensa Next postHiring New Staff

Popular

Investigadores CAC Partisipa iha Formasaun konaba Krimi Finanseira