Featured Stories

CAC Simu Vizita Delegasaun husi ONU Nova Iorke

by

Iha prinsipiu fulan Fevereiru, CAC simu vizita delegasaun husi ONU Nova Iorke nebe mai Timor-Leste mai atu halo avaliasaun konaba nesesidades misaun ONU nian iha Timor-Leste hafoin misaun UNMIT nian remata. Delegasaun hamutuk ema nain lima ne’e xefia husi Senhor Wolfgang Weisbrod-Weber nudar

Diretur Operasaun ba Asia no Mediu Oriente husi Devizaun Operasaun Departementu Operasaun Paz nian, Durane sorumutu besik oras ida ne’e, delegasaun ne’e rona informasaun husi Komisariu CAC Aderito de Jesus Soares konaba programas no aktividades nebe durante ne’e CAC hala’o nomos dezafiu nebe CAC infrenta no suksesu balu nebe maka atinji ona desde CAC hari iha tinan 2009. Hafoin rona husi Komisariu CAC, Xefi delegasaun ONU nian mos hato’o informasaun konaba servisu UNMIT nian iha area hari-dame no governasaun diak nomos esplora hanoin no vizaun konaba ONU nia papel ba governu Timor-Leste wainhira UNMIT nia misaun remata.

Durante tinan sanulu ne’e, organizasaun mundial ne’e fornese ona tulun ba governu Timor-Leste liu husi nia misaun dame no ajensia dezenvolvimentu sira. PNUD durante ne’e fornese ona apoiu ba CAC liu husi programa edukasaun kampanha. Apoiu PNUD nian sira maka hanesan imprimi poster, stiker no halo lansamentu seluk hodi publikua CAC nia servisu. Misaun UNMIT nian durante ne’e fo suporta ba CAC iha prosesu halo revizaun ba UNCAC. Papel seluk maka ONU halo maka, hanesan parte ida husi koordenasaun no fahe informasaun, fulan-fulan iha sorumutu regular entre Komisariu CAC de Jesus Soares ho UNMIT nia Vise-Reprezentante/Koordenador Jeral UNDP, Senhor Finn-Reske Nielsen. Parte rua ne’e sempre halo vizita ba malu hodi halo sira nia sorumutu.

Previous postSorumutu Dahuluk kona ba Estratejia Nasional ba Kombate Korrupsaun Next postCAC and CNE To Hold A Joint Conference for Electoral Contestants

Popular

CAC Simu Vizita Delegasaun husi ONU Nova Iorke