Featured Stories

Timor-Leste no Implementasaun Konvensaun UNCAC

by

Hafoin tinan sanulu ukun-an, Timor-Leste asina no ratifika ona konvensaun internasional lubuk ida inkluindu konvensaun ONU kona ba kombate korrupsaun kaUnited Nations Convention against Corruption (UNCAC), nebe Timor-Leste ratifika iha tinan 2009.  Nudar Estadu Parte ba Konvensaun hirak ne’e, Timor-Leste tenki iha dever moral no vontade politika atu implementa ukun-fuan husi tratadu sirak ne’e.

Implementasaun UNCAC nian husu ba Estadu Parte ida-idak tenki alinha sira nia leis, instituisoens no sistema nasional sirak tuir konvensaun nia obrigasaun, tenki iha koordenasaun diak entre instituisaun relevante sirak no ikus mai halo relatoriu periodikamente konaba progresu implementasaun. Importansia husi implementasaun tratadu ne’e atu tulun halo reforma no hadi’a sistema no instituisaun nasional sirak atu hetan transparensia no akuntabilidade iha orgaun publiku hotu hodi hala’o dezenvolvimentu nasional nebe fo benefisia ba povu tomak no sustentavel.

Prosesu revizaun ba UNCAC ne’e hala durante tinan sanulu mas fahe ba siklu rua ho tinan lima-lima.  Siklu I hahu 2010 too 2014 no kobre Kapitulu III konaba Kriminalizasaun ho Aplikasaun Lei (Criminalization and Law Enforcement) no Kapitulu IV konaba Koperasaun Internasional (Internasional Cooperation). Parte daruak sei konsentra ba Kapitulu II konaba Asaun Prevensaun no Kapitulu V konaba Rekuperasaun Ativus (Asset Recovery) durante tinan lima.

Mekanismu ida atu hare oinsa no to’o iha nebe ona implementasaun UNCAC nian mak halo revizaun liu husi programa auto-avaliasaun ka Self-Assessment. Prosesu rekolha dadus ne’e uza fasilidade elektroniku ida naran “Omnibus Survey Software.” Self-

CAC nudar Instituisaun anti-korrupsaun Estadu nian iha Timor-Leste, nebe hetan mos fiar husi Konseilhu Ministrus iha 2011 atu sai nudar pontu fokal ka focal point reprezenta Timor-Leste atu lidera exersisiu bo’ot ida ne’e.

To’o Fevereiru 2012, servisu rekolha dadus ba revizaun ne’e hal’o lubuk ida ona. Oras ne’e Estau Parte nebe halo revizaun (Fiji no Namibia) maka estuda hela. Preparasaun ba Self-Assessment hahu iha fulan Abril 2011 ho vizita husi UNODC Jakarta no Vienna no UNDP Bangkok liu hsui workshop nebe informa kona ba prosesu Review tomak. Hafoin hetan konhesimentu liu husi workshop nebe UNDP no UNODC organiza, Komisariu Adjuntu ba Edukasaun Kampanhe no Peskiza Jose A. Neves, nebe sai nudar pontu fokal ba Self-Assessment ne’e ba tuir treinamentu badak ida iha Vienna konaba oinsa uza formatu elektroniku Omnibus nudar check list ida ba sukat ita nia progresu iha Kapitulu rua ne’e . Nia hatete katak iha perguntas lubuk ida maka Timor-Leste tenki hataan iha Check-List Self-Assessment ne’e. Rezultadu preliminaria hatudu katak iha parte ida Timor-Leste halo ona esforsu balu hodi hamosu leis no regulamentus konaba anti-korupsaun nian maibe iha parte balu Timor-Leste sei presiza atu hadi’a liu tan no prepara tan kondisaun no rekursus lobuk ida tan.

Hanesan parte ida husi prosesu koordenasaun entre instituisaun relevante sira, iha 25 Janeiru 2012 liu ba CAC organiza tan sorumutu ida, halibur reprezentante entidade Estadu lobuk ida husi parte executive, lejislativu no judisiaria to’o sosiedade sivil hodi hetan update konaba prosesu implementasaun UNCAC iha Timor-Leste.

 

Previous postEnkontru Ho Parseirus Sira Next postCAC’s 2020 Strategic Plan ad 2012 Annual Action Plan

Popular

Timor-Leste no Implementasaun Konvensaun UNCAC