Staff CAC tuir Post-Graduate Certificate Course iha Hong Kong

Atu hasae kapasidade staff, mak CAC haruka staff nain tolu ba tuir ‘post-graduate certificate course’ nebe’e organisa husi  Independent Commission Against Corruption (ICAC) ho Universidade Hong Kong. Kursu ne’e sei han tempu durante semana tolu hahu husi loron 6 fulan Novembru to’o loron ida fulan Dezembro de 2011.  Staff nain tolu ne’e mak Sr. Alexandre Faustino Freitas, Sekretario Ezekutivu; Sra. Jesuina Maria Abel, Diretora Diresaun Edukasaun, Kampana no Peskiza; no Sr. Agusto da Costa Castro, Investigador Senior. Iha tinan 2010, CAC mós haruka ona staff nain rua ba tuir kursu ne’e. Tuir Komisario Adérito katak, ‘kursu ne’e importante no relevan tebes mai CAC, tanba oferese husi ICAC Hong Kong ne’ebé  mak iha reputasaun internasional ba kombate korupsaun. Husi kursu ida ne’e, sei fó benefisiu bo’ot liutan ba CAC iha tempu oin mai’.